Vawiin khan Mizoram Industries Service Association te chuan Aijal Club-ah General Assembly cum Election  an nei a. He hun hi Industries Minister Dr R. Lalthangliana chuan khuallian niin a hmanpui a ni.

Industries Officer te fuihna thu sawiin Industries Minister Pu R. Lalthangliana chuan inpekna thuk zawk nena miin hna a thawh chuan eng hna pawh nise midangte tan malsawmna a ni thin a ti a. Almagamation leh Restructuring chungchang pawh DP&AR leh Finance Department te nen zirchian a nih tur thu te, a tul phawt chuan ennawn a la ni ang a ti.

Mizoram Industries Service Association Conference hi Pu V.Lalrinawma, Vice President, MISA chuan a kaihruaia. Conference hun thenhnihnaah kum 2019-20 chhunga hruaitu thar thlanna neih nghal a ni a. He hunah hian  Pu J. Hmingthanmawia, Director, Commerce & Industries pawhin Industries hmalakna hrang hrangte a tarlang bawk a ni.