Ni 1 awh tur ‘North East India-Myanmar Reverse EXIM Conclave Exhibition’ chu vawiin khan Industries & Commerce Minister Pu H.Rohluna’n Assembly House Annexe-ah a hawng a. North East Council (NEC)-in a bultum he Exhibition hi North Eastern Regional Agricultural Marketing Corporation Ltd (NERAMAC), North East Foundation (NEF) leh Mizoram sorkara Industries & Commerce Department tangkawpa buatsaih a ni.

North East India-Myanmar Reverse EXIM Conclave Exhibition-ah hian stall 19 awmin, Mizoram bakah Manipur, Assam leh hmarchhak state hrang hrangte kutchhuah phochhuah a ni. Exhibition Stall 19 te chu :- NERAMAC, North East Rural Livelihood Project (NERLP), NERAMAC-NEF Export Project Mizoram (Zara Enterprise), W.Chhuanawma Handloom, Zonunsanga Handloom, Vakiria Apparel, MAHCO Ltd, AROMA Beauty Parlour, SWAN Water Storage Tanks, FK TUIUM, ZoPlast, Zawlbuk Enterprise, North East Community Resource Management Project for Upland Areas (NERCORMP), Aromatic Green Tea, Sacha Inchi, Hnam Chhantu Pawl, Agriculture Department leh Horticulture Department te an ni.