Vawiin chawhma dar 11:30am khan Industry Department hnuaia NLUP 1st. Phase dawng tura thlan chhuahte sum la pek zawhlo Trade 12 a beneficiaries te hnenah 3rd. Instalment sum tangkafaiin Industry Minister Pu S.Hiato chuan semin, tihian Industry hnuaia NLUP Trade 32 a beneficiaries zawng zawng te chu pek kim an ni ta.

He NLUP 1st Phase 3rd. Instalment sum semna inkhawm DIC Conference Hall, Saiha a neihah hian khuallian Pu S.Hiato Minister chuan NLUP dawng tura thlan chungchangah thlei bik an neihloh thu sawiin Krismas leh Kumthar hlim taka an hman theih nan Krismas hma ngeia sem an nih thu sawiin NLUP dawngtute a lawmpui takzet a, chutihrual chuan an Trade thlan hre reng chunga sum te pawh rilru nei taka hmang turin a kalkhawmte a chah bawk. Industry hnuaia NLUP dawngtute an titha hle a, 70% chuang a hlawhtling tih Official lamin an report thu sawiin La dawng leh zel turte entawntlaka thawk chhunzawm zel turin a chah bawk a ni.

Vawiin NLUP sum 1st. Phase 3rd. Instalment sem tak hi Trade 12 atangin Beneficiaries 163 niin sum an pek chhuah zawng hi Rs. 46,14,400/- a ni.