Vawiin khan District Sports and Youth Services Office ah Champhai District a Sport Association hrang hrang hruatute leh DSYO hotute chu infiammi ten thisen pek runpui an neih hun tur ngaituahin an thuikhawm.

Thutkhawm hi Pu Lalngilneia Colney, District Sports and Youth Services Officer in a kaihruaia Rev Jonathan Pachuau chuan hunserh hmangin CMO a thawktute atangin thisen pek hlutzia leh pawimawhzia ngaithlak a ni a. Thutkhawm chuan Champhai District a Thisen Pek runpui neih hun tur a tan September ni 7, 10:30 AM District Sports and Youth Services Office – Vanlallawma Indoor Stadium ah neih ni se tiin a rel a. Hemi ni hian function hun tawi hman tur niin Deputy Commissioner Champhai chu khuallian a tana beisei a ni bawk .

Thisen pek runpui hi Sports and Youth Services Department hmalakna in Mizoram pum huapah September ni 6-8 chhunga neih tur a ni a. S&YS Department hnuaia Sport Discipline hrang hrang bakah  NSS, Scouts & Guide, NCC a mite chu thisen pek runpui ah hian tel tura ngen leh beisei an ni.