"Infiamna lama tuimite hi misual an awm ngai lo", Pu John Rotluangliana Deputy Speaker in a ti.
Vawiina Mamit GSA Playground-a Mamit Constituency MLA Cup Football Tournament kharna hun hmanpuitu, Pu John Rotluangliana, Deputy Speaker Bialtu MLA ni bawk chuan infiamna lama tuimite hi mi sual tak an awm ngai lo, a ti a, thalaite theihna leh telent hai chhuak tur hian sawrkarin theihtawp a chhuah thu tarlangin Mizoram chhungah ngei pawh infiamna hmun tha engngemaw zat siamin phullem phah a ni tawh a, District Capital hrang hrangah pawh hmalak chhoh mek tum niin Lengpui ah Mini Sport Complex cheng vaibelchhe 4 chuang senga siamte, Kawrtethawveng-ah Tennis Court siam a nih thute a tarlang a ni.
Khuallian Bialtu MLA chuan infiammite chu infiamna rilru pu-a chak dan leh chak loh dan thiam turin a chah bawk a ni.
He Tournament-ah hian Mamit Constituency huam chhung atangin Team 18 chhuakin Final hi Jocob Memorial Football Club leh Hmarveng Football Club ten an khel a, Hmarveng Football Club chakin an champion a ni. Champion Trophy, Medal leh Rs 40000/- an dawng a, Jocob Memorial Football Club te hian Trophy, Medal leh Rs. 20000/- an dawng.
He MLA Cup Football Tournamnet ah hian Best Player, Top Scorer, Best Goalkeeper leh Best fair play Team te thlan niin lawmman te hi khuallian hian a sem a ni.
He Mamit Constituency MLA Cup Football Tournament senso hi Pu John Rotluangliana Bialtu MLA tum niin Mamit Zone Football Association buatsaih a ni.
Pu John Rotluangliana Deputy Speaker, Bialtu MLA hi a thiannu , Pi Vanlalhruaii leh Officials engngemawzatin an tawiawm a ni.
