Vawiin khan PIB Media Centre-ah Bharat Nirman/Flagship Programmes Public Information Campaign (PIC) Core Committee te an thukhawm. PIC Core Committee-ah hian Central media unit hrang hrang –DDK, PIB, DFP, AIR leh DAVP aiawhte an tel a ni.

Vawiin meeting hi an Chairman Pu Mangjangam Touthang, Head, PIB & DDK (Regional News Unit)-in a kaihruai a. Kumin 2013-14 chhunga Bharat Nirman/Flagship Programmes Public Information Campaign neih dan tur an thlirlawk a ni. Kumin chhungin PIC vawithum- Saiha District, Serchhip District leh Lawngtlai District-ah te neih tum ni se an ti a. A hmasa ber leh Mizorama a tum 24-na turin Saiha District chhungah July, 2013 chhung hian PIC neih ni se an ti.

Sawrkar laipui ruahman anga hmasawnna hnathawh hrang hrang mipui hnena puanzarna Bharat Nirman/Flagship Programmes Public Information Campaign hi PIB bultumin Central media unit hrang hrang DDK, AIR, DFP leh DAVP, Mizoram Journalists Association(MJA) leh Mizoram sawrkar tangrual ten an buatsaih thin a ni a. Mizoram chhung district hrang hrangah PIC vawi 23 neih alo ni tawh a ni.