Vawiin khan Information and Public Relations Department Director Pi Lallianpuii chuan South East Asia a Film Festival ropui ber, 50th International Film Festival of India (IFFI), 2019 Goa a sawrkar bultuma kal mi 10 kawmna hun leh IFFI, Goa a an thil tawn leh zuk zir te thlirletna a Pisa-ah a neihpui.

Information and Public Relations Department Director Pi Lallianpuii chuan thu sawiin, IFFI, Goa Grand Opening zuk chhim te chu a lawmpui thu a sawi a. IFFI, Goa a kalte Opening Ceremony changtlung tak buatsaiha an tel theihna tura hma laksaktu Chief Secretary Pu Lalnunmawia Chuaungo chungah lawmthu a sawi a. Pi Lallianpuii chuan Film siamtute'n Theatre, Workshop Session hrang hrang leh Film Bazaar a an tawn hriat leh inzirna nasa tak te chu Mizoram mai nilo, India ram leh ramdang thleng pawha Mizoram Film Industry in hnu hma a neih theih nana hmala turin leh nasa tak leh taima zawka sawrkar pawhin a chhawmdawl zel theihnan pen chhuak turin a ngen bakah duhsakna a hlan nghal bawk a ni.

Information and Public Relations Director Pi Lallianpuii chuan Mizo Film te zau zawka mipuiten an thlir theihna Turin Local Cable TV LPS leh Zonet-ah te Mizo Film Promotional Programme a tlangzarh nghal a. A tan nan LPS-1, Dar 7:30PM ah 50th IFFI, Goa Tour hi chhuah a ni ang. He programme hi LPS 1, 2 leh 8 bakah Zonet Nauban-ah te chhuah thin a ni bawk ang.