Nimin khan Pu Vanlalmalsawmdawngliana, Jt.Commissioner of Excise & Narcotics chuan Mamit Excise Department tlawhin Luangpawl ram chhunga Excise Department hmunhmate a tlawh nghal.

Jt Commissioner chuan Mamit Excise Department-a thawktute'n inkaihhruaina tha tak hnuaia an duty an hlen thin chu lawmawm a tih thu a sawi a. Mizoram Sawrkarin Zu khapna dan a lo hman leh tak avangin thawktute chu a hma aia taima leh rinawm taka hna thawk turin a chah. Ram leh hnam hmelma kan thalaite min runa min suattu ruihhlo leh a kaihhnawih dotu nih chu ram leh khawtlang tana rawngbawlna pawimawh tak niin Excise hna-in a ken tel leh kaihnawih hrang hrangah tihdam theih loh HIV/AIDS natna hrik chu tihpalh thilthu-a kai palh theih a nih avangin fimkhur turin a chah bawk. Kan hma lawka hunpui lo thleng turah nunau leh mipuite'n hlim leh thlamuang taka hun an hman theih nana khawtlang mipuite nen thawhhona tha tak an neih mek chu chhawmnung zel turin a chah bawk a ni.

Jt. Commissioner hi Pu H. Lalchhuanawma Asst. Commissioner, Excise & Narcotics Mamit leh thawktute'n lo dawngsawngin Inspection a nei nghal a. Asst. Commissioner Mamit chuan Jt. Commissioner-in a rawn tlawh chu lawmawm a tih thu sawiin Department ram Luangpawl a mi, Kum 2012 a Excise Department tana Sorkarin a lo lei tawh chu tun thlenga Building sak a la nih loh thu leh tunah hian mimal ram leh Building an luah hawh mek thu a lo thlen a. Mamit Excise & Narcotics Department mamawh hrang hrangte a lo thlen bawk a ni.