Nimin khan Intensified Mission Indradhanush (IMI) 2.0 chu Dr. Lalrozama IAS, Deputy Commissioner, Mamit District chuan Anganwadi Centre Mamit Bazarveng-ah a hawng.

Dr. Lalrozama IAS, Deputy Commissioner Mamit chuan kalkhawmte hnenah lawmthu sawiin TB, Kawthalo, Hepatities, Polio leh adangte kan vei loh nan Vaccine hi la kan nih thu a sawi a. District chhung mipuite Vaccine lak chungchanga harsatna nei, khawtlangah emaw mimal, chhungkua-ah emaw kan awm anih chuan a tul anga hmalakpui an ni dawn a ti. Kalkhawmte chu Vaccine lak pawimawhna leh la thei tawh phawt chuan lak vek hi kan tihtur leh chanvo a nih avangin midang hrilhhretu nih tum vek turin a chah nghal bawk.

He hun hi Dr. Vanlalfela, Chief Medical Officer, Mamit District chuan a kaihruai a, Dr. Lalmuanawma Jongte, Immunization Officer  chuan Vaccine thatnate leh man to tak ni tur kha sorkarin a thlawna a sem avangin kan vanneih thu a sawi. Intensified Mission Indradhanush Programme hnuaiah hian nau pianghlim atanga naupang kum 2 thlengte bakah nu naupai vaccine la ngai miah lo te chu Health Worker-te, ASHA-te leh Anganwadi Workers te'n khaw tinah kala an zawn chhuahte hnenah vaccine pek a nih tur thu a sawi bawk.

He hunah hian Nu naupai leh naupang 60 chuang an kalkhawm a ni.