Section 46A of Mizoram Land Revenue Act 2013 leh Rule 17A of Mizoram Land Revenue Rules 2013(read with amendments 2019) in a sawi ang in, a nghet lova Sorkar in ram a pek te hi hman hun chhung (period of alloment/validity) nei vek a ni a. Heng a nghet lova ram pek te hi hman tangkai chhunzawm a la tul a nih chuan Revenue Department ah renew dil phawt a ngai thin a. Renew form hi district revenue office-ah ngaihven tur a ni. Sub-section 4 of section 46A of Mizoram Land revenue Act 2013 in a sawi angin heng ram a nghet lova pek te hi  renew loh a nih chuan, tax pek ngawt in a nung tihna a ni lova. House Pass leh P. Patta tam tak period of allotment (hman theih hun chhung) ral tawh, renew si lovin, tax pe ve tho ten a awm theih a. A nghet lova ram pekte hi a thih hma thla ruk chhunga tihnun lehna dil tur a ni a. inngaihhnathiamna hun  li hawn a ni bawk a, a thih atanga kum 2 (thla 24) thleng in renew hi dil theih a ni a. Hetiang hun zat a pelh phei chuan an dilna chu chhan leh vang tha tak a nih chauhin ngaihtuah tur a ni a, new allotment ang hiala dilna pawh bawhzui tur a ni zawk a. Hetiang a nih avang hian, Land Lease, House pass leh P. Patta neitu pawh in a lehkha (documents) kawl ri ngawt ah duhtawk mai lovin, Land Document-a thuziak pawimawh te hi chhiar a, hriat thin tur a ni. Land Document kan vawn pawimawh ang bawkin Ram te hi enkawl tur a ni. Land Lease, House Pass leh P. Patta thi tawh chu renew phalsak an nih hma chuan Tax pek emaw dawn theih a ni lo.