No.2813/2021-2022

Aizawl 31st October 2021: Information & Public Relations Minister Pu Lalruatkima chuan Covid Hripui leng mekah mipui te thuawihna leh tanrualna vangin ziaawm lam kan pan chho zel thei chu lawmawm a ti a. Chu tih rualin Covid 3rd Wave lo thleng thei lakah fimkhur taka tha thlah chuang loa kan awm a ngai tih a sawi. 

Information & Public Relations Minister leh Aizawl West II Bialtu MLA ni bawk Pu Lalruatkima chuan vawiin chawhnu khan a bial chhung LTF hrang hrang te tlawhkualin hri dona kawnga an hnathawh dan te enpui na hun neiin Pu Lalruatkima chuan hripui dona kawngah atirah kan bangbo tlanga harsatna leh buaina tam tak karah, vawiin ni ah chuan biakin te hawn theih te a ni ta a. Kohhran mite tawngtaina, sorkar leh mipui te tanrualna te kan thuawih vangte a ni a ti a. Kan mawhphurhna tha taka kan hlen chuan kan do hneh zel ang. Mipui ten thu kan awih a, sorkar dan tha taka kan zawm avangin hri dona kawngah hma kan sawn phah a lawmthu kan sawi duh a ni a ti. IPR Minister chuan Covid dona kawnga dan kengkawhtu sorkar leh LTF te VLTF te pawhin harsatna lutuk tawk loa tun dinhmun kan thleng thei chu thawhhona tha kan neih vang a ni a ti bawk. Pu Lalruatkima chuan Khawtlang hmasawnna te pawh duh angin a kal thei lo a, hrisel na, kan dam nan sum kan hman angai si a, chhuanchham an awm a thiang lo a, Covid 3rd wave lo thleng thei laka inpuahchah reng a ngai tho a, tha thlah lovin fimkhurna kalpui reng turin mipui te  chah in kan inthlahdul hret a nih chuan kan pung leh hluai thei tih hria in, fimkhurna hrang hrang sorkar in a siamte zawm tha in, kan mawhphurhna mitinin ngaipawimawh zel turin mipui te a chah bawk a ni.

 Bialtu MLA Pu Lalruatkima hian a bial chhung LTF 6 hnenah hri dona kawnga mamawh a hman turin cheng sing nga theuh a hlan a ni.