No.6346/2020-2021 

Nizan a hmeichhiate leh naupang harsatna tawk te tanpuina kawnga hmala tura din Miss Mizoram Foundation hawnna HYVE conference hall a neih ah IPR Minister Pu Lalruatkima chuan Mi harsa leh hnuai hnung zawk te tanpuia chhawmdawl turin miin tan anla thin a Miss Mizoram Foundation dintute pawh kan hmelthatna pian nalh nate Pathian min pek ani a, Midangte tana malsawmna anlo nihve theih natura ngaihtuahna an seng chu lawmawm tiin thalai ten thil tha tih duhna neia ke an penzel chuan kan ram hian hmasawnna mellung pawimawh tak a nei chho zel dawn ani ati. IPR Minister chuan Covid-19 avangin khawvel in harsatna kan tawk a Indopui-2 na laia hun harsa kan tawh kha chuan kan inkalpawh in kan in tlawhpawh vek a, Inkhawm leh thil tih khawmna lian tham pawh an nei thei zel a, tun ah erawh Khawvel kan inkhar khip a mitinin kan sa himna ngaihtuah in kan phe buai a chutih anih mek lai chuan kan ramah chuan mipui, Kohhran, khawtlang leh Sorkar te kan tanrualna atha in Zonun zemawi alo lang a. Kan khawtlang ah chhuan chham kan awm em tiin kan in ngaiven tawn a chunga hmala tur chuan thangthar thalai viak tha zawk ten tihtur mawhphurhna pawimawh tak kannei ve ani tih kan hriatthar atul tih Pu Lalruatkima chuan sawiin Pawl din mai a harlo a. Ngaihtuah mai chu a awl Bawhzui leh tihtur tam tak a awm tih hria a he pawl dinchhan ang taka kepen zel turin IPR Minister chuan chah in an hmalakna ah fimkhur leh tihtak zet a kal turin leh Hmeichhiate laka hleilenna lo awmfo thinte tibo a ram leh khawtlangin hma alo sawn a raltiang ram kai chho zel turin an kal zel na tur ah duhsakna a hlan ani. Minister Pu Lalruatkima hian Miss Mizoram Foundation pawl hmalak zelna tura tul pawimawh a hman atan pawisa fai cheng sing 2 a hlan bawk ani.

Miss Mizoram Foundation hruaitute sawidanin kum kalta ah ringawt pawh hmeichhiate chunga hleilenna avanga hrsatna tawk Women Help Line hmanga phone call mi 6854 chuang an awm tih an sawi ani. Miss Mizoram Foundation te hian nizana an pawl thar puanchhuahna an neih ah hian tun hnaia Champhai a hmeichhe naupang vanduaina tawk hnenah tanpuina cheng Sing 4 an hlan a, hei bakah hian Mizoram Truck Owner Association te hnenah an member harsa te tanpuina turin cheng sing 4 bawk an hlan leh ani. Miss Mizoram Foundation ah hian an President chu Miss Mizoram lo nitawh Rody H. Vanlalhriatpuii, Secretary ah Zirsangpuii bakah hruaitu dang engemawzat awmin Patron ah Dy Chief Minister Pu Tawnluia te an ni.