No.3359/2019-2020
Aizawl, the 28th March 2020 : COVID-19 vanga rampum inkharkhipa kan awm mek laiin inhlawhfaa eizawngte leh zirlai tangkhangten harsatna an tawhloh nan Union Home Secretary chuan nimin khan State leh UT zawng zawngte ziakin thurawn (advisory) a thawn.
Ram pum ni 21 inkharkhip a nih avanga mahni awmna state pan thei lo, state danga tangkhang, lo neih kaihhnawih leh thilsiamna factory hmuna inhlawhte leh unorganised sector a thawktute tan ei leh in tur ruahman sak a, a theih ang anga heng mite tanpui turin State sawrkar te a ngen a. Chutiang bawkin lockdown avanga zirlai leh hmeichhia hnathawk, mahni state pan thei ta lo a, tangkhangte pawh an awmna ngaia an awm theih nan hma la turin state sawrkar te a hriattir bawk.
Heng mi te tanpuina kawnga ruahmanna siam a nih theih nan NGO tiamin pawl hrang hrangten kawng dap ni se, a ti a. Heng mi harsa leh dinhmun tha lo a dingte tan Sawrkarin a thlawna buhfai leh thil tul dangte PDS kaltlanga pek tura a ruahman mek te chu anmahni hrilhriat ni se, hei hian tul lova an chhuak tur a veng thei dawn a ni, a ti.
State leh UT sawrkarten nitin mamawh chatlak lova mipuiin an dawn theih nana tan a lak chhungin, kharkhipna chu khauh taka kalpuia, dan bawhchhetute chu hrem turin a hriattir a ni.
