No.910/2020-2020
COVID-19 hripui leng avanga inkharkhip a nih lai hi mi thenkhatten remchangah lain dan lova thing zai, sapel, ram vah, lui kal leh ram hal/tih kan te an chin avangin Environment, Forest & Climate Change Department-a field staff leh thawktu dangten theihtawp chhuahin ramngaw leh nungchate venhim hna an thawk a, inkharkhip hun tawite March 15 atanga April 25, 2020 chhung hian a hnuaia mite hi an thil man te an ni.
| Thil man (seized) | A tam lam(quantity)
| Tun dinhmun
|
1 | Sazuk sa
| - | Rs. 25,000 chawi tira case compound a ni. |
2 | Silai Ulhbun/silai dang |
19 | An silaite hi laksak an ni a, Forest officer/Police station/DC custody-ah te dah an ni tlangpui.
|
Airgun | 11 | ||
Total | 30 | ||
3. | Thingzai (sawn timber) | 852 Cft
| Pawisa chawitir an ni (case compounded)
|
4. | NTFP (Non-Timber Forest Produce) Mau |
Pum 600 | Pawisa chawitir an ni (case compounded).
|
| Anchiri(dry) | 118 kgs(4 bags) | Department in a la kawl mek.
|
Inkharkhip lai a ni nain heng hna te- Ram kang ven leh thelh, forest nursery enkawl, thing chi (seeds) lakkhawm leh dan lova ramhnuia chet la thinte ven hna hi thulh theih a nih loh avangin theihtawp chhuah a hma lak reng a ni a, field staff te pawh an hahin an thawkrim hle a ni.
COVID-19 dona atan department staff tam takte chu VLTF/LLTF-ah thahnemngai takin an duty ve reng a, officer thenkhatte pawh Incident Commander-ah te ruat niin theihtawp an chhuah bawk. IFS Officer ten Rs. 93,000 leh Mizoram Forest Service Association in Rs. 1,33,000 chu CM Relief Fund ah an chhunglut a. Forest Division 10 ten an huamchhunga VLTF/LLTF hrang hrangte hnenah cheng 21,81,880 an hlan bakah buhfai bag 8 leh chawhhmeh thahnem tak an sem a ni.
EF&CC Department chuan theihtawp chhuahin ramngaw leh nungchate venhim hna an thawk zel dawn a, mipuite dan bawhchhe lo turin an ngen a, dan bawhchhetute chu dan hmanga umzui zel an nih tur thu Department chuan an tarlang.
