No.911/2020-2020

Vawiin hian Dr. Lalzirmawia Chhangte, IAS, Deputy Commissioner, Serchhip District chuan Serchhip khaw chhunga Village Level Task Force duty te a tlawh kual.

Dr. Lalzirmawia Chhangte, IAS chuan Covid19 laka mipuite himna tura theihtawp chhuaha duty thin Village Level Task Force te chu lawmthu a hrilh a. Engchennge hetianga kan awm a tul dawn hriat a nih loh avangin, hmabak lo la awm zel theiteah pawh village level task force te chu inbuatsaih sauh sauh turin a ngen a ni. VLTF duty te hian harsatna an neih leh rawtna an neihte chu Bawrhsap hnenah an lo thlen hlawm a, a theih chin chinah heng an harsatna te hi ngaihtuahpui a tum thu bawrhsap hian a hrilh hlawm a ni.

Serchhip chhim lam kawtchhuah duty na Sailiamkawn chu nimin khan a lo tlawh tawh a, vawiin hian Vengchung atanga tanin hmar lam kawtchhuah Chhiahtlang thlengin a tlawh kual a. Pu Samuel Zodinsanga, MCS, SDC, chuan a tawiawm a ni.