No.777/2021-2022

Dated Kolasib: The 2nd June, 2021: Chairman, State Executive Committee, State Disaster Management Authority hminga SOP Order No.B.13021/101/2020-DMR/Vol-IV dated 29.05.2021 a tihchhuah Clause ‘C’ a Deputy Commissioner/DDMA ten mahni District chhunga ruahmanna siam a phalsak angin, Kolasib District chhunga hman atan he inkhuahkhirhna hi siam a ni a. Chuvangin Covid-19 hripui leng mekah Kolasib District chhunga inkhuahkhirhna Kolasib District chhunga hman tur chu Sorkar thupek behchhanin hetiang hian siam a ni. He order hi Dt 31.05.2021 atanga 07.06.2021 chhunga hman tur a ni. (Hei hi State Sorkarin thuchhuah thar a siam a nih pawhin thu leh awm hma chuan hman chhunzawm zel tur a ni.)

A. MIZORAM PUM MIPUI CHETVEL DAN NGHAWNG THEI CHUNGCHANG KOLASIB DISTRICT A KAN HMAN DAN TUR

1. Mizorama lo luh chungchang
Kolasib District kal tlanga Mizorama lut turte reng reng chu Sawrkarin a hawn mek entry points heng- Vairengte, Bairabi, Phaisen, Saiphai atang chauhvin a hnuaia ni(date) leh hun tarlan chhung hian an lut thei ang.

Vairengte – 24x7
Bairabi – 10 AM to 5PM (nitin)
Phaisen – 10AM to 6PM (every Monday & Thurday)
Saiphai – 8AM to 4PM (every Tuesday & Friday)

Note: Hei hi passanger phur bik lirtheite tan a ni ang a. Essential Commodities phurte chu engtik lai pawhin an kal tlang thei ang. Essential Commodities phur Driver leh Handyman-te hi Screening chauh tih thin an ni a, Covid-19 Test neih an nih loh avangin kawng lakah lo check emaw, lo tih din loh tur a ni.

1.1 Screening.
India ram pawn leh India ram hmun dang atanga Mizoram-a lo lut reng reng chu State sawrkar SOP angin Mizoram an lo luhna (Point of entry)-ah Rapid Antigen Test (RAgT) hmanga en dik vek an ni ang a. RAgT positive-te chu enkawl dan tur dinglai (Protocol) angin enkawl zui tur an ni ang. Hetiang hian Mizoram atanga zin chhuak, lo haw lehte pawh endik vek tur an ni ang.

1.2 Quarantine.
1) RAgT negative-te chu Sawrkar Quarantine Centre, heng; Politechnic, Thingdawl; RSTC Saidan, Tourist Lodge Kolasib ah te leh Community Qurantine Centre neihna khua, heng; Vairengte, Kawnpui, Bilkhwthlir leh Bairabi-a an centre-ah te quarantine tur an ni ang. Eng emaw tul bik leh dam lohna thil, heng centre a awm remlo te chu competent authority in phalna a pek hnuah Home Quarantine theih an ni ang. Quarantine centre a awm leh Home Quarantine te hi Ni 10 hnuah RT- PCR/TrueNat/RAgT hmangin test an ni ang a, negative result an neih chuan inkhung zui a ngai tawh lovin chhuah zalen theih an ni tawh ang.

Hemi hnu hian Ni 7chhung Self-Monitoring [Mahni Inchik hun] neih tur a ni ang a. Hemi hun chhung hian mahni inkiltawih leh inveng rengin, midang hnaihchilh leh pawtbuai lo thei ang berin awm tur a ni ang a. Midang zing a an awm pawhin, eng emaw thulh-ah midang lak atangin leh midangah hri kaichhawng lo thei turin an inveng renging, Covid 19 Appropriate Behaviour [CAB], tha taka zawmin an awm tur a ni ang. Amaerawhchu, Self - Monitoring hi Home Quarantine pangngai angin kalpui tawh tur erawh chu a ni lovang.

2) Home quarantine-a awm turte chuan inkhung hranna tur riahna (bedroom) leh inthiarna (attached toilet) hran an nei tur a ni. Chutiang ruahmanna neite chu an chhungkaw member-te inkhung hran ve kher a ngai lo vang. Amaherawhchu, midangin an tawmpui loh tur riahna (bedroom) leh inthiarna (attached toilet) hranpa nei lo home quarantine phalsak an nih erawh chuan an chhungkaw member-te pawh pâwn chhuak lo leh midang nen inkalpawh lovin ni 10 chhung an awm tur a ni.
Hemi atan hian VLTF hriatpuina (recommend) in District Magistrate, Addl. District Magistrate, SDO (Sadar), SDO (Civil), Vairengte &Kawnpui, SDC, Bairabi leh DC Office-a Executive Magistrate-ten phalna an pe thin ang. Amaherawhchu, VLTF-ten a nazawng lo hriatpui (recommend) lovin, hmunhma nei tha leh dam lohna leh harsatna bik neite chauh recommend tur a ni a. Chutiang dam lohna leh harsatna bik nei lote chu Govt. Quarantine Centre-ah a tam thei ang ber a dah luh zel tur a ni.

3) Eng emaw avang leh tul bik thil a Home Quarantine phalsak nilo loh zawng te chu, heng; Hotel (Paid) Quarantine [HQF] emaw Govt Quarantine Facility[GQF] emaw Community Quarantine Facility[CQE] emaw ah te hian awmin,senso mahni intumin awm tur a ni ang.

4) Home quarantine leh quarantine facility-a awm ten Health &Family Welfare Departmentin zawm tur inkaihhruaina a siamte chu an zawm ngei tur a ni. Home Quarantine leh Community Quarantine Facility a awmten inkaihhruainate an zawm ngei a ni tih an awmna veng VLTF ten an endik (monitor) ang.

5) Hun rei lote chhung (short stay), darkar 96 aia rei lo Mizorama cham tura lo kal te chuan entry point an lo thlen hmâ darkar 72 aia hlui lo RT- PCR/TrueNAT/CBNAT (ICMR recognized laboratory) hmanga COVID-19 test result negative (SRF ID awm) an neih a, entry point-ah RAgT negative result an neih bawk chuan inkhung hran a ngai lovang. Anmahni chah chhuaktu/buaipuitu ten an tana hmun ruat bikah dahin fimkhur takin an tih tur bik an tihpui ang a, midang nena in-contact lo thei tur ang berin ruahmanna an siam ang.

Note: Hun rei lote chhung (short stay) a lo kal turten Kolasib District an thlen hmain midang nena inpawlh buai lova awmhranna tur hmun tihchiansak an nih chauhin phalna pek tur a ni ang.

6) State pawn atanga thlawhnaa lo haw/lutte chu Transport Department-in empaneled vehicles (vide Order No.G.28016/2/2020-TRP dt.16.04.2021)-a a tarlanten an phur thei ang a, mahni motor hmanga zin haw phurtute chuan an passenger-te nena in-contact lo thei tur ang berin fimkhur takin ruahmanna an siam ang. Kalkawngah pawh midang nena in-contact tura din khawmuan loh tur a ni.

Note:
* Mahni lirthei-a passenger phur turten DC Office, Kolasib ah dilna thehluh tur a ni.
* Kolasib khawchhung (town area)-a mite chuan DM&R Branch, DC Office, Kolasib-ah daidanna sarang (polythene) hmangin an siam ngei tih an endik tir thin tur a ni a.
* Kolasib khaw pawn a awm-te erawh chuan SDO(Civil), Vairengte leh Kawnpui emaw mahni bialtu Magistrate hnenah an endik tir thin tur a ni.
* Daidanna siam theilo tan DM&R Branch, DC Office-ah siam tir theih a ni ang.

7) Screening leh quarantine dan tur fel taka ruahman a nih theih nan Mizoram an rawn luh hmain mCOVID-19 mobile application mPASS- flight emaw mPASS-road hmangin an in-register lawk tur a ni. Home quarantine leh Hotel quarantine dil duh tan whatsapp No. 9774131593/7005464075-ah dilna thehluh tur a ni.

8) Mizoram-a lo lutte quarantine dan, COVID-l9 testing, quarantine mêk leh hri vei (asymptomatic, mild leh severe case)-te enkawl chungchang, COVID Care Centre, Dedicated COVID Health Centre leh Dedicated COVID Hospital te kalpui dan chungchangah Health & Family Welfare Department-in inkaihhruaina a siamte chu khauh taka kalpui tur a ni ang. Tin, quarantine-a awm/thlen man, ei leh in man leh test-na man pek dan tur erawh chu Notification No.B.13021/187/2020- DMR/Vol-I dated 26.04.2021-in atarlan angin kalpui a ni ang.

1.3 Testing.
H&FW Department-in a bituk angin COVID-19 test man hi zin veivak leh quarantine-a awm ten an pe/chawi ang. Test chi hrang hrang man pek/chawi dan tur chu (H&FW Department-in an tihdanglam hma chu) a hnuaia tarlan ang hi a ni ang.

rRT-PCR : Rs. 1,200/-
rTrueNat : Rs. 1,000/-
rRAgT : Rs. 200/-
1.4 Isolation.
1) Mizorama lo lut, entry point-a positive hmuh chhuahte leh hmun danga positive hmuh chhuahte reng reng chu an Doctor-te thurawn angin Covid Care Centre (CCC) ah chauh dah zel tur a ni ang. Heng positive hmuh chhuahte phurhna turah Medical Team in ruahhmanna an siam thin ang.

2) Jordan Centre Sethrawn CCC-a awmten an bawlhhlawhte an thianfai thin tur a ni. A tul angin CMO/DMS in ruahhmanna a siampui ang.

3) CCC a lut leh chhuak te nitin tlai dar 5 ah Magistrate i/c, Quarantine Facility management hnenah report an pe thin tur a ni.

2.Containment Zones
1) Containment Zone puan ngai a awm anih chuan District Magistrate-in a puang ang a, Containment Zone puanahte chuan Deputy Commissioner-in thupek a siamte zawm tur a ni ang.

2) VLTF-ten an bial chhungah Containment Zone puan ngai ni-a an hriat chuan, Zonal Magistrate kaltlangin District Magistrate hnenah an hriattir thin ang.

3) VLTF-ten veng/khaw bila inkharkhip leh khualzin luh phal loh an puang thiang lovang. Tul bikna avanga inkharkhip a ngaih chuan Deputy Commissioner phalna an la ang.

3.Bungraw chawkluh leh thiar chungchang
1) State pawn atanga bungraw lakluhnan phalna hranpa lak ngai lovin lakluh theih a ni ang. Amaherawhchu, mCOVID-19-ah an in-register vek tur a ni.

2) Bungraw lak luh phurtute (driver leh handyman) reng reng hi entry point-ah uluk takin screening kalpui chhunzawm a ni ang. Bungraw phur motor-ah reng reng hian driver leh handyman bak midang (passenger) an chuang tur a ni lo.

3) State pawn a?anga bungraw lak luh phurtute (driver leh handyman) te chu an kalphung pangngai angin khaw dâiah anmahniin eirawng an inbawl chawp ang a, khaw chhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midang te atanga feet ruk (6) tala hlaah an awm tur a ni.

4) Driver leh Handyman-te hi Screening chauh tih thin an ni a, Covid-19 Test neih an nih loh avangin anmahni lo dawrtu mipui leh a bikin dawr neituten ten fimkhur taka lo dawr thin tur a ni.

5) Bungraw load/unload tur neiten an load/unload-na tur hmun bialtu VLTF-te hnenah an report hmasa tur a ni a. VLTF-ten uluk taka vilin, hun bithliah dar 08:00 PM atanga dar 05:00 AM chhungin an kalpui tur a ni ang. Hemi bungrua unload chhung hian dawra pangngaia hawn phal a ni lovang.

6) State pawn atanga bungraw lak luh phurtute (driver leh handyman) te chu backload lak tur zawngin Kolasib District chhungah an kal kual tur a ni lo.

7) A chunga tarlan driver leh handyman-te hian kawng laka harsatna an tawh thulhah State Control Room (Toll free 1070, landline 0389-2342520, mobile 7628072785 and whatsapp 9366331931)leh COVID-19 (Medical) helpline number (Toll free 102, landline 0389- 2323336, 0389-2322336 leh 0389-2318336)-ah telephone-in an harsatnate an thlen thei ang.

4.Zirna In, Sakhaw Biakna hmun leh Mipui punkhawmna hmun te

1) Public park, picnic spot, movie theatre, gym, football/ futsal ground, community hall, restaurant, shopping complex, mall, phalna pek ni lo dawrte leh intawllenna hmun zawng zawng chu khar chhunzawm tur a ni.

2) Zirna In leh Sakhaw biakna hmun te chu khar chhunzawm tur a ni ang.

3) Board Exam, All India level Exam, recruitment exam adt. te chu phalna hranpa pekte chauh kalpui theih a ni ang. Hengahte hian exam huaihawttu ten SoP khauh takin an kengkawh tur a ni.

4) Inneihna leh reception-ah mi 30 (sawmthum) aia tam punkhawm phal a ni lo.

5) Mitthi vuinaah mi 30 (sawmthum) aia tam punkhawm phal a ni lo.

6) Chhiatni/thatni puipunnaah ei leh in sem/siam phal a ni lo.

7) Mipui punkhawmna heng –birthday leh anniversary lawmna, games & sports, book release, lungphun leh intihhlimna ang chi reng rengte chu he hun chhung hian huaihawt phal a ni lo.

5. Zin veivah chungchang

1) Loh theih loh thilah lo chuan zin veivah loh tur a ni.

2) ?ul bik thila zin veivakte chuan an chhuah tanna veng VLTF emaw bialtu Zonal Magistrate-te hriatpuina lehkha an keng tur a ni. Chu lehkhaah chuan an kal tanna (origin) leh zinna/kalna tur hmun (destination), ni leh darkar-te a chuang tur a ni.

6. Chhungkua/mimal eizawnna kaihhnawih ni lo; a huhova lui kal, ramhnuaia picnic/intihhlim, hiking leh adventure sports te khap a ni. He khapna thupek zawm lote chu the Mizoram (Containment & Prevention of the spread of COVID-19) Act, 2020 hmangin hrem an ni ang.

Note:Hei hi VLTF-ten uluk leh zuala umzuiin, khauh taka kalpui tur a ni ang.

7. Sawrkar Office hawn dan leh dawr dan tur:
* State sawrkar-in Office hawn dan tur inkaihhruaina a siam angin hawn zawm tur a ni ang a. Harsatna bik a awma khar a ngai a nih loh chuan Sawrkar Office-tin te khar tur a ni lova, hetihrual hian State Sorkar-in ruahmanna a siam zawm tur a ni ang. Tul bik thilah Office khar a ngai a nih chuan District Magistrate remtihnain khar chauh tur a ni. Office hawn chhungin Social Distancing tha taka kalpui a nih theihnan Head of Office/Head of Department- in ruahmanna a siam ang.

* Office kal turte chuan Office ID siamin, Police/COVID-19 Executive Duty te enfiah theih turin an keng ngei ngei tur a ni.

* Executive Duty-te pawh an duty-na post bak anmahni area chhungah, mipuiten SOP tha taka an zawm theihnan an fangkualin [patrol], mipui khuahkhirh leh teihawi te thunun hna an thawk thin ang. Executive Duty atan hian a hranpain Order tihchhuah a ni ang.

* Sawrkar hnathawk leh sawrkar sum atanga hlawh late chu COVID-19 duty turin a tulna apiangah hman an ni ang.

* DC Office-in COVID-19 duty-a an ruat loh te chu an awmna veng/khua theuh a VLTF-te, a tul apiangah an tha tichak turin an tawiawm thin ang.

* Head of Office ten khauh takin “COVID-19 Appropriate Behaviour” an kalpui tur a ni.

* Office chhungah phalna la hmasa lovin pawnlam mi kal phal a ni lo. Hemi atan hian phonein emaw an hmuh duhte phalna an la phawt tur a ni.

* Head of Department leh Head of Office ten an office kawtkaiah kut silna tur emaw hand sanitizer emaw an ruahman ang.

* Head of Office tinte chu office vawn fai leh tih thianghlim kawngah mawhphurtu an ni ang a, office-ah kut silna hmanrua (tui, sahbawn/handwash) an buatsaih ngei ngei tur a ni.

* Tul bikah lo chuan meeting neih loh tur a ni. Inrawn leh inbiak a tul a nih pawhin a theih chin chinah intercom, landline telephone leh mobile emaw IT application (WhatsApp, E- mail, etc) hman tangkai hram tur a ni.

* Department emaw Office dangte nena indawr tulna thilah chuan email emaw electronic media dang hman hram tum tur a ni.

* Mipuiin Sorkar Department-te ralkhat atanga an dawr theihnaah Department tinin Information Technology an hmang tangkai tur a ni.

* Central Govt. office leh organization te pawhin “COVID-19 Appropriate Behaviour” an zawm ngei tur a ni.

B. DISTRICT CHHUNG A VANTLANG KHAWSAK DAN INKHUAHKHIRHNA KALPUI DAN TUR CHI HRANG HRANG

1. Mipui vantlang tana Inkhuahkhirhna hriat turte
1) Hemi inkhuahkhirhna hun chhung hian tul bik thil lovah chuan mahni In/compound an chhuahsan tur a ni lova, building khata in hrang hrang luahte pawh intlawhpawh loh tur a ni.

Khaw lian zual heng; Kolasib Town Area, Kawnpui, Vairengte, Bairabi leh Bilkhawthlirah te chuan Jt.VLTF/VLTF leh Police-ten Town area chhungah mipuite hnena pawn chhuaklo tura ngenin joint patrolling an nei ang a, kaihhruainain chhuah a phalsak nilo te chu an tir haw-in, a tul chuan an chawitir [fine] thei ang. Zan lamah Magistrate leh Police duty-ten Kolasib khawpui fang kual in, dan bawhchhia leh SOP zawm lote khapin, hremna a tul angin an pe nghal ang.

2) Lirthei eng chi pawhin a seating capacity aia tam passenger an phur tur a ni lo.

3) Pawn chhuak tur reng reng chuan (facemask leh hmanraw dang hmangin) hmai an tuam ngei tur a ni.

4) Vantlang hmuna kal te chu feet 6 tala inhlata awm tur a ni.

5) He inkhuahkhirhna thupek kalpui chungchangah hian VLTF-te chu, an bial chhung theuhvah an hmalaknate chhunzawm zel tura beisei leh ngen an ni.

2. Dawr hawn dan tur:-
2.1Dawr hawn hun: Khawpui lianzual, heng; Kolasib town area, Vairengte, Kawnpui, Bairabi leh Bilkhawthlir ah te chuan Dar 05:00 AM atanga dar 06:00 PM inkarah dawr hawn theih a ni ang.

* Tul bik thilah dar 08:00 PM thleng hawn theih a ni bawk ang.

* Bungraw load/unload tur neite chu dar 08:00 PM - dar 05:00 AM inkarah bungraw load/unload turin dawr hawn phalsak an ni ang a, hemi hunchhung hian dawrtu an neih phal a ni lo.

* Damdawi dawr te chu tiamchin awmlo in hawn theih a ni

Note: A chung a sawi bak Kolasib district chhung khawdangah te chuan dawr hawn chungchangah inkhuahkhirhna a awm lovang.

2.2 A hnuaia mite hi VLTF-te hriatpuina leh SoP zawm chungin ni bithliah awm lovin hawn theih a ni ang a. A hnuai a sawi lan loh dawrte erawh VLTF te remruatnain hawn dan tur [A ni inchhawk emaw, dawr inkarthlakin emaw] ruahman thin tur a ni ang. Dawr inhnaih chilh lutuk te chu inhawnchhâwk dan turah VLTF-ten ruahmanna an siam thin ang.

1) Nitin mamawh leh eichawp, thlai leh thei, sa leh sangha zawrhna.

2) Thlai chi, leitha, ran chaw leh hmanraw dawr.

3) Essential courier service, e-commerce leh home delivery service.

4) Bungraw phur motor mamawh, oil leh spare parts zawrhna dawr leh loh theih loh thila hawn ngai hetiang motor siamna bik workshop/ puncture works.

5) Cold storage leh warehousing (bungraw chhek khawlna godown) service. Hei hian khawpui chhunga bungraw sem kual leh khaw danga bungraw thawn kualte a huam ang.

6) Hmasawnna hna peng hrang hrang thawhna atana bungraw mamawh- steel, cement, brick, balu, insakna bungrua ilo zawrhna dawr.

2.3 Dawr ni lo hnathawhna hmunte: Mi panga aia tam lo thawhna - carpentry workshop, steel fabrication workshop, bakery, tailoring, weaving leh hetiang lam thil thawhna hmunahte chuan VLTF/LLTF te hriatpuinain hna thawh phal a ni.

2.4 Bazar leh chawhmeh zawrhna chungchang
Hmunkhata mipui pungkhawm tur vennan bazarpuia thlai leh thil dang zawrhna chu Zonal Magistrtate leh bilatu VLTF-ten a ni inchhawk emaw a inkarthlakin leh Covid 19 Appropriate Behavior [CAB] tha taka vawn anih ngei theih nan hawn dan tur ruahmanna an siam thei ang. Chutihrualin, mipui mimirin awlsam taka thlai leh chawhmeh an hmuh theih nan veng/khua hrang hrangah leh hmun tam zawkah chawhmeh lei theihna tur VLTF-ten ruahmanna an siam hi chhunzawm zel tur a ni-ang.

Hemi atan hian Jt. VLTF-te kaihhruaina hnuaiah VLTF tinten mahni Veng/Khua theuhah Bazar, kawngkam chawhmeh zawrhna leh adt. ah mihring thu zat leh inhlat dan turah ruahmanna an siam ang.

3. Hmasawnna hnathawh chungchang
1) Hmasawn nana hnathawh tul, heng;retaining wall/drain/kawng siam, building sak, kawng laih, leidawh te leh chutiang kawnga hmalaknate chu thawh chhunzawm phal a ni. Heng hnate hi ram chhunga awm sa labour te chauh ruaia thawh tur a ni.

2) Lo neitu leh huan neitute, ran vulhtute, sangha dil neitute leh a thawktute chu phalna hranpa lak ngai lovin an hna thawh phalsak an ni. Lo/huana hna thawk tura ram riah pawh phal a ni. Hmun khata mi 5 (panga) aia tam awmkhawm erawh chu khap a ni.

3) Electrician, plumber, mechanic, thing leh cement mistiri leh helper-te chu an hna thawhna LLTF/VLTF-te hriatpuinain hna thawh phalsak an ni.

4) Quarry-a lung lak, block/ brick siam, rawra her leh chhut leh thingzai khawl (saw-mill) a thing zai theih a ni ang.

Feh/hnathawh chungchang a hriat tur: Feh/hnathawk tur nia insawi rinhlelhte chu VLTF/Police Duty/Executive Duty-ten a tul angin thu an zawtfiah thin ang a, hnathawk tur ni lote chu haw tir leh chawi tir theih an ni ang. Feh tura chhuak ten Face mask vuah ngei ngei tur a ni a, Duty-ten an chuanna lirtheia chuang tam lutuk an tih chuan an chhuk tir thin ang.

C. IN KHUAHKHIRHNA IN A HUAM LOH TE: He Inkhuahkhirhna hian a hnuaia tarlante hi a huam lovang.
1. Places/vehicles (Hmun/lirthei):
1) Hospital, nursing home, clinic, laboratory, OST centre, ART centre, blood bank leh damdawi dawr.
2) Veterinary hospital, dispensary, clinic, zoo leh hatchery.
3) Bank, non-banking financial institutions, insurance, ATM leh Post Office.
Note: Hengte hian mipute nena indawr tam lo tur leh hnathawh tul bik chauh kalpui turin ruahmanna an siam ang.
4) Petrol/Diesel filling station leh LPG storehouse.
5) Fair Price Shop/ration dawr.
6) COVID-19 duty te hman taxi leh rental motor.

2. Services (Hna) Chi hrang hrang:
1) COVID-19 vaccination leh immunization programme dangte, ambulance service.
2) Animal disease control programme.
3) Postal service, blood donation camp/service.
4) Kohhran hna tul zual thawk tura Kohhran office kal leh kohhran hotute programme pawimawh bik.
5) Nau pai, nausen pawmlai leh naupangte hnena nutrition (chaw tha) sem.
6) Bawnghnute sem leh lakkhawm.
7) Power & electricity, water supply (mimal tui chawi te huamin), sanitation & solid waste management (hmunphiat leh bawlhhlawh paih te huamin), telecommunication, internet service, broadcasting leh cable service.
8) MGNREGS, MPLADS leh MLALADS hnuaia hnathawh.
9) Print & electronic media leh chanchinbu sem.
10) Bungraw load leh unload hna.
11) Private security service.
12) Internet Service Provider lama hnathawk
13) Medical emergency leh chhiat tawh thila awmna veng VLTF/LLTF te hriatpuina lehkha nena chhuak.

D. HREMNA DAN: He thupek zawm lo chu Disaster Management Act, 2001, Section 51 atanga 60, the Mizoram (Containment &Prevention of the spread of COVID-19) Act, 2020 hmangin hrem theih an ni.

E. Sawrkarin heng thuchhuah a siamte hi a tul dan azirin a ennawnin a tidanglam thei ang.