No.776/2021-2022

Kolasib dated 2nd June 2021: Serlui bialtu MLA Pu Lalrinsanga Ralte chuan a bial chhunga Covid-19 avanga harsatna hrang hrang tuar mek te tan tanpuina a sem chhunzawm zel a, Golgotha Camping Centre, Hope Centre leh in lam a inkhunghrangte hnenah an mamawh eitur chi hrang hrang a pe.

Pu Lalrinsanga Ralte chuan a bial mipuite thlamuanin Covid-19 avanga harsatna hrang hrang awmte chu tanrualna leh thawhhona tha tak nen hmachhawn zel turin a chah a. Harsatna leh buaina an neih ang angte chinfelpui turin engtiklai pawh a biak pawh theih a nih thu a sawi bawk a ni. Covid-19 thawhhnihna lo thleng mekah hian ramri dep a awm an nih angin a bial mipuite chu fimkhur turin a chah a,” Mi thiam ten 3rd Wave lo thleng leh thei nia an sawi avangin chumi hun a lo thlen palh pawha bial mipuite kan buai mai lohna tur a kan lo inbuatsaih lawk a tul a ni,” a ti bawk.

Serlui bialtu MLA Pu Lalrinsanga Ralte hian Vairengtea Golgotha Camping Centre tan tanpuina :
1) Artui Case 5
2) Chini Bag 1
3) Bawnghnute (Amul Gold) Case - 3
4) Thingpuife 100 pocket
5) Vitamin C 10 box
6) Multi Vitamin 10 box
7) Paracetamol 10 box,
8) Sanitizer 5 ltrs a pe a.
Block MHIP Vairengte enkawl lai Hope Centre tan tanpuina:
1) Buhfai bag 2
2) Dal 1 bag
3) Alu 1 bag
4) Tel 1 case a pe bawk
Tin, Vairengte khuaah hian Covid-19 positive an pun tak zel avangin Home Quarantine engemawzat an awm mek a, Home Quarantine a awm mek chhungkaw 83 te tan chhungtin hnenah tanpuina :
a) Buhfai 10 Kg
b) Alu 4 Kg
c) Dal 2 Kg
d) Purun 1 Kg
e) Tel litre 1, theuhin a pe vek bawk a.

Vairengte Auto Rickshaw Association (VARA) Member te service thei lova hun rei tak an awm tak avangin VARA member harsa te tanpui na turin Rs. 30,000/- (sing thum) chu an hruaitute hnenah a hlan bawk a ni.

Pu Lalrinsanga Ralte hian Bilkhawthlir Auto Association hruaitute hnenah pawh an Member harsa zualte tanpuina turin Rs. 15,000/- (singkhat sangnga) a hlan bawk.

Heng tanpuina te hi bialtu MLA aiawhin Pu B. Lalnuntluanga, Vairengte chuan a hlan a, Bilkhawthlir ah hian Pu Lalrinthara Vangkeu, Bilkhawthlirin in a hlan bawk a ni.