No.3655/2020-2021 

Dated Serchhip, the 31^st July, 2020: Pu, Kumar Abhishek, IAS, Deputy Commissioner, Serchhip District chuan hnuaia mi ang hian state pawn atanga Mizoram lo lutte inkhunghran dan tur thilpawimawh hriattirna a chhuah.

Mizoram Sawrkar chuan State pawn atanga lo lut leh Mizoram mi leh sa zin chhuaka lo haw te hun rei tak an quarantine leh an hriselna enfiah kawngah hma a lo la tawh a. Mizoram mi leh sa State pawna tangkhang te pawh an lo haw kim tawh a hriat a nih avangin, hnathawhna leh mimal tul thila State chhunga rawn lut leh zin chhuaka lo let leh te quarantine leh an hriselna enfiahna kawnga Sawrkar a insenso reng chu tul tawh lova hriat a ni a. Hemi chungchangah hian Mizoram Sawrkar in Notification No. B. 13021/101/2020-DMR/Pt-III dated 20.07.2020 leh Corrigendum No.B.13021/187/2020-DMR dated 25.07.2020 a chhuah a. He notification zulzuiin a hnuaia mi ang hian Serchhip District chhunga kalpui tur a ni.

1. Category A:

           Hemi  Category-ah hian Mizoram mi leh sa, State pawna hna nghet ni lo thawk (migrant worker a chhiar), an hna atanga an thlawn avanga lo tangkhang, 31.07.2020 ral hma-a Mizorama lo haw te; tin, chhan dang vanga COVID-19 lockdown hma atanga Mizoram pawna awm, sum leh pai harsatna tak tak nei, Deputy Commissioner te’n an pawmpui te leh inentira zin chhuak (medical referred case) te chu Sawrkar quarantine facility-a awm te enkawl dan kal mek anga enkawl tur an ni.

         Hemi huam chhunga in quarantine dil tur te chuan Deputy Commissioner, Serchhip emaw Sub-Divisional Officer (Civil), Thenzawl hnenah format duang sa hmangin anmahni emaw an chhungten ziakin emaw whatsApp hmangin dilna an thehlut tur a ni. An dinhmun finfiahna lehkha (Supporting documents) a hnuaia tarlan ang hian an rawn thil tel bawk tur a ni: incident commander

a) State pawna hna nghet ni lo thawk an hna atanga an thlawn avanga la tangkhang: Self Declaration form awmsa. 

b) Chhan dang avanga COVID-19 lockdown hma atanga Mizoram pawna awm, sum leh paia harsatna tak tak nei: Village Level Task Force Hriatpuina form awm sa.

c) In entira zin chhuak (medical referred case): Medical documents.

Sum leh paia harsatna tak tak neite finfiah turin bialtu Incident Commander te’n verification ni khat chhungin an nei ang.

1.  Category B:

Hei hian Mizoram mi leh sa leh hnam dang, Mizoram chhunga chengte zawng zawng a huam ang. Heng mi te hi a tlem berah ni 14 (sawm leh pali) chhung Sawrkar  quarantine facility buatsaih ah an awm ang a, an thlen man, ei leh in leh COVID-19 test na man zawng zawng chu anmahni emaw an sponsor(hnamdang, ILP mamawh tan) ten an chawi ang.

Serchhip District huam chhunga Government quarantine facility awmna man chu Serchhip District chhung bika ruahmanna siam anga kal tur a ni ang. Serchhip District huam chhung a Government quarantine Facility awmna man tur chu a hnuaia tarlan ang hian kalpui tur a ni:

Category B ami te hi an rawn thlen hmain thlen man leh ei leh in man an lo in rinlawk theih nan in quarantine-na tur hmun hrilhhriat thin an ni ang. An chhungten Deputy Commissioner, Serchhip hnenah thlen man leh ei leh in man hi an thehlut thei a, anmahni an lo thlen hunah quarantine facility officer-in-charge hnena deposit box dah-ah pawh thehluh theih bawk a ni. Online payment pawh pawm a ni a, receipt pek vek an ni ang. 

1. Category C: 

Mizoram pawn lam mi an hnathawhna avanga lo zin ngai te, central sawrkarin official duty-a a rawn tirhte leh Mizoram Sawrkar, Company, pawl leh mi mal te’n an mamawh avanga mithiam bik an chah chhuah, hun rei lote cham tura rawn zinte chu COVID-19 Test an paltlang a, an negative chuan an rawn kal chhan hna chu a thawk tan thei ang a. An cham chhungin an tlawh tur site/office ruat lawkah chauh kal phalsak an ni ang a, hmun danga veivah leh midang nena intlawhpawh erawh phalsak an ni lovang. An thlenna hmun ruat atanga an tlawh tur hmuna an veivahna tur lirthei chu Deputy Commissioner, Serchhip rawn chungin uluk takin ruahman a ni ang.

1. Category D:

Hmasawnna ruhrel siam hna (Infrastructure Development Project) kal lai avanga Public Sector Undertaking, Construction Company leh Contractor ten Mizoram pawn lam atanga hnathawktu te an chah chhuah te chu an hnathawhna hmunah in quarantine-na tur remchang a awm a nih chuan Deputy Commissioner, Serchhip hriatpuinain ni 14 chhung an in quarantine ang. Hemi hnuaia mite chu an in quarantine na hmun tur hi a him tawk leh tawk loh hriat nan District Administration, police, medical team leh Village Level Task Force member ten joint inspection an nei ang. An in quarantine na tur hmun chu a him lova hriat a nih chuan Category B anga kalpui tur an ni.

1. Category E:

Mahni senso inhuama ni 14 chhung Hotel-a in quarantine duh te chu Deputy Commissioner, Serchhip hnen atanga phalna lak tur a ni.

1. Lengpui Airport atanga in lam dan chungchang: 

Lengpui Airport a mahni chhungte lam duh chuan Deputy Commissioner, Serchhip hnenah phalna lak tur a ni. Amaherawh chu, phalna form-a zawm tur inziak ang chu an zawm thlap tur a ni.