No.3654/2020-2021

Aizawl,the 31st July 2020: Vawiin khan Samagra Shiksha Executive Committee Meeting chu New Secretariat Conference Hall-ah Chief Secretary Pu Lalnunmawia Chuango hova neih a ni.

Vawiin meeting-ah hian Samagra Shiksha hmalakna leh kalphung te thlir ho a ni a. Mizoram School Education Mission Society Regulation 2019 chu an pawmpui a, District Education Committee constitution te, Mizoram School Education Mission Society Financial Regulation 2020 te, Audited statement 2018-19 te, Annual report 2018-19 te, Non-Teaching staff te hlawh tur rawtna te an pawm bawk.

Samagra Shiksha hian Primary, Middle, Secondary, Higher Secondary leh Teacher Education te a huam a, tun hmaa SSA, RMSA leh Teacher Education te kha Samagra Shiksha-ah hian chhunkhawm vek an ni.

Vawiina meeting-ah hian Pi Esther Lal Ruatkimi, Commissioner & Secretary, School Education bakah SCERT, MBSE, Finance leh Department hrang hrang aiawh te, zirtirtu pawl aiawhte an tel hlawm a ni.