2651/2024-2025

Dated Hnahthial, the 23rd October, 2024: Government of Mizoram, Home Department Notification No.F.22018/1/2020- HM(ILP)/Pt, Dated 17.10.2024 ang in Mizoram pum-ah November ni 1, 2024 a tangin Inner Line Permit (ILP) dilna hi online a kalpui tawh tur a ni tih Hnahthial District mipuite kan inhriattir a. A hnuai a tarlan ang hian dilna pawh online Portal ilp.mizoram.gov.in atang a thehluh tawh tur a ni.

1. Application hi sponsor-tu chauhin a theh lut tur a ni a, Portal-ah hian a in register tur a ni.

2. Document pawimawh te hi Portal-ah upload vek tur a ni a. Hnam dang, offline a temporary ILP pekchhuah te chu temporary ILP hi upload tel tur a ni.

3. Application hi approve a nih hnuah diltu hian a Mobile number submit-ah SMS in reference number a dawng ang.

4. ILP fee hi online a pek a nih hnu-ah reference number hmang hian ILP hi download theih a ni ang.

5. Security deposit hi ILP surrender a nih hnuah chauh pek kir a ni ang.

6. ILP holder te hian engtik hun pawh a check theih turin ILP hard copy an kawl emaw, Soft copy hi Phone-ah an nei reng tur a ni.

7. He mi chungchanga zawh fiah duh nei chuan ILP branch, Deputy Commissioner Office, Hnahthial ah zawh fiah theih a ni e.