Lengpui ah National Animal Diseases Control Programme, Nationwide Artificial Insemination Programme hman a ni.

Nimin ni (11.9.2019) khan Krishi Vigyan Kendra (KVK) Mamit district, Lengpui chuan KVK Training Hall, Lengpuiah Prime Minister Pu Narendra Modi programme buatsaih National Animal Disease Control Programme for Foot & Mouth disease, Brucellosis and Nationwide Artificial Insemination Programme chu hman a ni.

He hunah hian Aizawl North-ll bialtu MLA Dr. Vanlalthlana chuan khuallian niin, KVK pawimawhna leh AH & Veterinary Department pawimawhzia a sawi a. Ran natna lo darh zau zel tur beih leh helama hma lak zel a, thiamna leh tha leh zung hman tangkai a pawimawh thu a sawi a. Hmalak zelna turah chetlak dan tur zirchian hmasak thin a pawimawh thu a sawi bawk.

He hun hi Dr. Vanlalhruaia Hnamte, Senior Scientist & Head, KVK Mamit District, Lengpui chuan kaihruaiin KVK kalphung leh he programme hman chhan te sawiin he programme hi India ram pumah tunah hian hman mek a nih thu te a sawi a. Resource person Dr. Lalmakzuala, DVO, Mamit district chuan ran natna hrang hrang leh a enkawl dan te sawiin zawhna leh chhanna hun hman a ni.

He inkhawmah hian Prime Minister Pu Narendra Modi an he hun hawnna prog.UP, Mathura a a buatsaih chu Live telecast in thlir ho a ni a, ran natna chi hrang hrang leh enkawl an ngaih thu te, kuthnathawktu te tharchhuah a let a tihpun te, India ram a lo faia a lo thianghlim zawk nana plastic hman tihtawp te, thingkung tarn zawk phun a ngaih thu a sawi te ngaihthlak a ni.