‘Rashtriya Poshan Maah’ (National Nutrition Month) puala hmalakna kal zelah vawiin khan Lungleiah ‘Poshan Maah Rally’ kawngzawhna neih a ni. Rally hi Lunglei DC atangin Mizofed kawtzawl thleng neih niin Lunglei SDO (S) Pu Lalnundika chuan a vailiam a ni.

‘Poshan Maah Rally’ ah hian Pu Lalnundika chuan thu sawiin Poshan Abhiyan chu  March ni 8, 2018 khan PM Narendra Modi an Jhunjhunu Rajasthan ah a lo hawng (launch) tawh a ni, a ti a. Poshan Abhiayaan in a tum ber chu Malnutrition tih tlem a ni a. Kum 2022 ah chuan India ram chu Malnutrition free (Chaw tha taksa mamawh tawk hmu lo awm lohna) rama siam tum a ni. A enkawl huam chin te chu Hmeichhe Tleirawl,naupai leh naupawm te leh naupang kum 6 hnuai lam te hi an ni, a ti bawk. He Poshan Abhiyaan hi hawn a nih rual hian Mizoram ah pawh hmalak nghal niin, tunah pawh kan ti tha hle a. Thawktute zawng zawng thawhrimna leh tanrualna avangin Ministry of Women & Child Developement buatsaih Poshan Abhiyaan 2018- 2019 ah Award pahnih 'ICDS-CAS Implementation' leh 'Overall Exellence in Implementation' ah pakhatna la in, Award hian thuchei leh pawisa fai a keng tel a ni.

Kumin Slogan ah hian Har Ghar Poshan Vyavahar (Change of behaviour in each home) -  ‘Chhungkaw tinah hmasawn tur a inthlak danglam’ tih a ni. He hun chhung hian Nutrition leh Hriselna chungchang thu thehdarh leh inzirtirna atan a hman mek a ni. Vawiin Poshan Rally-ah hian Social Welfare Department bakah Line Department a thawkte an tel tha hle. Kawngzawh zawng zawngte hian hriselna leh faina kawnga thu tiam (Oath taking) an nei vek bawk a ni.