Inspire Award Flagging Off Ceremony chu vawiin khan SCERT, Chaltlang-ah neih a ni a. Pu Chawngtinthanga, Parliamentary Secretary, School Education chu khuallian niin a hmanpui. Inspire Award hi zirlaite talent hai chhuah nan leh science zirna lama hma an sawnna tura sorkar laipui buatsaih a ni. He scheme hian Science lama naupang talent nei te haichhuah vat a, tanpui hi a tum a ni. He award hian pawisa fai Rs. 5,000/- a keng tel a ni. Zirna sang zawk B.Sc. & M.Sc. zir duh te tan scholarship Rs. 80,000/- a keng tel bawk. Doctorate Degree zir duh te tan pawh an hnathawhna tur thleng pawh a tanpui a huam tel a ni.

He Inspire Award ah hian India rama sikul tin atangin zirlai pahnih (2) thlan chhuah te chuan District Level Exhibition (DLE) intihsiakna an nei ang a. Science Project/Model siam nan Rs. 5,000/- theuh pek an ni ang. District level a tlingte chu State Level Exhibition (SLE) ah an tel leh ang a. Heta ti tha zual panga (5) te chu National Level Exhibition (NLE) ah an tel dawn a ni.