No.2165/2021-2022

Aizawl, the 8th September 2021 : Department of Science and Technology (DST), Government of India leh National Innovation Foundation-India (NIF) ten kum tina an buatsaih thin INSPIRE Awards MANAK scheme hnuaia 8th National Level Exhibition & Project Competition, NLEPC 2021-ah Mizoram atangin zirlai panga (5) an tel a. An zingah hian C. Lalmuanpuia, Baptist Higher Secondary School, Junior Section, Lunglei District chu idea tha zual thlitfim 60 zingah telin National Award dawngtu zingah thlan a ni.

Covid-19 Pandemic avangin 8th National Level Exhibition & Project Competition 2021 (NLEPC 2021) hi Virtual Mode –in, ni 4th – 8th September 2021 chhung buatsaih a ni a. India ram pum atangin zirlai naupang ideas 3.92 lakhs lakkhawm niin, a tha zual 581 ten National Level intihsiak hi an hmachhawn a. Programme hi Prof Ashutosh Sharma, Secretary, Department of Science and Technology, Government of India in a hawng a, a kharna hun hi Dr. Jitendra Singh, the Hon'ble Minister of State (Independent Charge), Ministry of Science and Technology & Earth Sciences in a hmanpui bawk a ni.

INSPIRE Awards MANAK atan, SCERT, Mizoram hi State Nodal Office niin, kum 2010 atangin he scheme hi a lo kalpui tawh a. District Education Officer (DEO), SDEO, Education Officer (District Council) leh NIF te tangkawpin he intihsiak hi school level atangin District level leh State level-ah te intihsiakna buatsaih thin a ni a. State level competition a ti tha te chu National Level Exhibition & Project Competition, NLEPC ah hian an tel thin a ni.

Kumin hi Mizoram atanga National Award lawmman kan dawn vawi khatna a ni a, C. Lalmuanpuia hian a project atan “People Powered Escalator" tih a hmang a, step-a mihring kalte rihna in step a ti vir a, chu chuan electric thahrui a siamchhuak a, chu chu thil danga tangkai zawk a hman theih tura lo khawl khawm a tum a ni. He Award hian certificate, trophy leh pawisa fai a keng tel a ni. Hei bakah hian a guide teacher Isac Lalruatfela, Teacher Baptist Higher Secondary School pawhin zirtirtu tha lawmman a dawng bawk a ni.

Attachment

  • Loading attachment...