2492/2022-2023
Aizawl, the 31st October 2022: Vawiin khan INTACH Heritage Quiz 2022 final chu Conference Hall, Directorate of School Education ah neih a ni a. Pawl 7 atanga pawl 10 zirlai te pualin quiz hmanga inelna neih a ni.

He Quiz Program hi Pu P. Rohmingthanga, Convener, INTACH (Mizoram Chapter) chuan kaihruaiin Quiz pawimawhna te a sawi a. Thangtharten Hnam Ro (heritage) pipute atanga kan rochunte humhalh a vawn nun zel a pawimawh thu a sawi hmasa a. He Program hawngtu Dr H. Lalthlangliana, Director, School Education, Mizoram pawhin hawnna thusawiin zirlaite chu nakin lawka kan ram hruaitu tur, kan chhenfakte an nih angin hnam ro kan neih te humhalh a, chawilar zel turin a fuih a ni.

Quiz competition hi Pi Zorinpuii, Teacher, Govt. H/S in a kaihruai a. Final-ah School 4 te an intihsiak a. Lalnunhlui & Malsawmtluanga Hnamte, Govt. Mizo High School chu pakhatna an ni a; Lalchhuanawmi Vuite & Ramthanga Khiangte, Govt. Mizo H/S chu pahnihnaah niin, Jenifer Lalliantluangi & Lalremtluanga, Govt. Mizo High School te chu pathumna an ni.

Lawmman dawngtute hi INTACH Headquarters, New Delhi in Award a rawn thawn dawn a ni a.  Pu Rin Sanga, Co-Convener, INTACH (Mizoram Chapter) chuan lawmthu sawiin hun a khar a ni.

Attachment

  • Loading attachment...