Vawiin chawhnu dar 2:00 khan Lunglawn Mual-ah Inter Branch Volleyball Tournament 2009 chu Pu Joseph Lalhimpuia, Vice Chairman, HPC in a khar.
He kharna inkhawm hi Pu R. Lalnunthara’n a kaihruai a. Thusawiin Pu Joseph-a chuan Inter Branch 2009 buatsaih avangin lawmthu a sawi. Bazar YMA Hostel sak chhunzawm nan HPC in chengh nuai khat a pe tih a sawi. AOC-Lawngtlai National Nighway siamthat nan work order pawh peihfel a ni, a ti. LGWS Phase II siam nan cheng vaibelchhe sawm pakhat hmuh beisei a ni a ti. Zobawk Sports Complex pawh siam puitlin thuai a ni ang a ti. Lunglawn mual chei nan HPC chuan cheng nuai hnih a dah thu a sawi bawk. LDSC Ground II pawh mual lian zawka siam tum a ni a ti. Serkawn Nursing School building sak that na cheng vaibelchhe nga ruahman a ni a ti. HPC office hmalakna atang 4.5 crores Budget ah passed a ni, a ti. Lunglei khawpui siam that nan Phase I ruahman mek a ni a ti bawk. Saitluk Airport siam puitlin nan Chief Minister in theih tawpa chhuah zel a ni a ti. Chhimbial leh Mizoram hmasawn nan theih tawp chhuaha thawk ho turin mitinte a sawm bawk.
Mipa leh hmeichhia final hi Lunglawn leh Zohnuai ve ve in an khel a ni.
Mipa leh hmeichhia final hi Lunglawn leh Zohnuai ve ve in an khel a ni.
