8th Mizoram Higher Secondary School Games 2009 chu zawh a ni ta a, vawiin chawhma dar 2:00 khan Ramhlun Sports Complex-ah Pu K.Riachho, Secretary, Secondary School Education Department chuan Khuallian niin kharna hun a hmanpui.

Athletics mipa ah Team champion chu Gov’t. Mizo Higher Secondary School niin, Gold 4, Silver 3, Bronze 3 an la a, Runners Up chu Gov’t. G.M.High School, Champhai niin, Gold 4, Silver 2, Bronze 4 an dawng a. Best Boy chu Vanlalawmpuia Fanai, Gov’t. Mizo HSS ami niin Gold 3, Silver 1, Bronze 1 a dawng.

Athletics hmeichhia ah Gov’t. Mizo HSS, Aizawl bawk pakhatna an ni a, Gold 5, Silver 4, Bronze 4 an la a, pahnihna chu Gov’t. Chaltlang HSS niin Gold 3, Silver 1, Bronze 3 an dawng.

A pumpuiah Gov’t. Mizo HSS, Aizawl chuan Gold Medal 17, Silver 13, Bronze 16, a vaiin medal 46 dawngin Champion an ni a, Gov’t. Chaltlang HSS chuan Gold 6, Silver 5, Bronze 4 dawngin an dawt a, pathumna chu Gov’t. GM HSS, Champhai niin Gold 6, Silver 4, Bronze 4 an dawng a ni.

Pu Riachho, Khuallian chuan zirlai kalkhawmte chu zuk leh hmuam insum pawimawh zia hrilhin Sports lam maiah pawh nilo, zirlai atan pawh a pawimawh thu a sawi.