R.Dengthuama Indoor Stadium, Mualpuiah Mizoram sawrkar hnuaia hnathawk, department hrang hrang inelna kalpui mek zel a ni a, inelna chi hrang 5-ah players 800 zetin lawmman lak tumin an bei mek.

Ni 4 awh tur Mizoram Civil Services Sports & Cultural Association buatsaih sports meet vawi 29-naah hian Badminton-ah players tel an thahnem ber a, department hrang hrang 20 atangin players 391 zet an tel a ni.

Table Tennis-ah department 29 zet telin Womens team 24, Above 35 Mens team - 19, Above 45 mens team - 13, Womens team - 8, Mens doubles - 23 pairs, Mixed doubles - 22 pairs, Above 50 Mens doubles - 13 pairs, Above 55 Mens doubles - 6 pairs leh Womens doubles - 8 pairs an tel a. Nikum aiin team 12 zetin tel an tam a, doubles inelna hrang hrangah pair 15 in tel an tam bawk.

Chess inelnaah Department hrang hrang 13 atangin team 23 an chhuak a, mipa 68 leh hmeichhia 10 telin above 50-ah players 14 leh above 55 ah players 16 te nen an vaiin players 108 an tel.

Carrom board inelnaah Department 16 atangin Mens team 34, Womens team 13, Mixed doubles 25, Mens open singles 26, Womens open singles 13 leh Veteran above 50 singles-ah 21, an vaiin players 345 an tel a.

Chinese Checker-ah department 13 atangin players 68 an tel thei bawk a ni.

Inter Departmental Sports vawi 29-na hi tunkar zirtawpniah zawhfel tura ruahman a ni a, chawhnu dar 2:00-ah kharna inkhawm hman a ni ang a, Sports Minister Pu Zodintluanga chu Khuallian a ni ang.