Vawiin ni hian Champhai Anti Tobacco Squad leh Traffic Police ten Joint operation neiin Kanan Bazar ah leh Kahrawt field bulah te an duty a dan phalloh a motor chhunga meizial zu an awm leh awm loh te, dan phalloh foreign cigarettes phur an awm leh awm loh te check in COTPA 2003 dan bawhchhia mi 5 man in pawisa an chawitir a mi engamaw zat chu Motor chhunga meizial zu lo tur hrilh leh hriattir a ni.

Joint Operation thuchhuak chuan cigarettes company abikin Valiant T shirt te chu tumahin ha tawh lo turin mipuite an hriattir nawn leh bawk a ala ha lui te chu man a dan anga hremna pek annih tawh tur thu an sawi bawk. Tin, Sumo driver te pawh sumdawng thenkhat ten dan lova an lakluh heng foreign cigarettes Valiant, Farstar, Classic, Winbody etc te phur lo turin an ngen bawk. Ti lui man annih chuan an chungah dan anga hmalak a nih tur thu an sawi bawk a ni.