Interactive Training for the successful Implementation of New Land Use Policy (NLUP) chu NLUP Implementing Board buatsaihin Dt. 13.01.2010 hian Agriculture Conference Hall-ah neih a ni a. He hun hi Pu R. Selthuama MLA, Chairman, NLUP Implementing Board chuan kaihruaiin Hon’ble Minister, Agriculture, etc Pu H.Liansailova chu khuallian niin a hmanpui a. He training-ah hian District hrang hrang Deputy Commissioner, Line Department hrang hrang Director te leh District hrang hrang a NLUP enkawltu officers te an tel kim hle.

Khuallian Pu H.Liansailova, Minister chuan chawhma lam hun hmanpuiin kalkhawm te hnenah NLUP hi sorkar flagship programme a nih angin mipuite’n an chhawr tangkai theih tur ang bera fimkhur taka kalpui a nih thu a sawi a. NLUP Programme tihlawhtling turte, tuna mawhphurtute - DC, Head of Department leh Department tina Nodal Officer te a rintawk zia leh an thiamna te pawh tha a ti tawk a. Healthy Competition, District leh District te, Department te inkarah pawh awm se a duh tih a sawi. Department tinte hmalak lai leh thil tumte tiphuisui a, tihlawhtling turin NLUP hi in kutah dah a ni. A pawimawh ber chu “Land Use” tih lai tak hi a ni a, Sustainable Farming, Economic Activities, Livelihood thlir chunga hma lak leh Eco Friendly ngaih pawimawh nise a ti. Training kalpui tawh danah lawmawm a tih thu leh heng aia chipchiar deuh zawka in hrilh theih la nise, thil thar dang rawtna tuipui hluai loh theih nise a ti. Hnathawktu lak thar chungchangah inhawh tawn theih chin chin chu inhawh a, a bak a tul erawh chu a inrenchem thei ang bera ngaihtuah nise a ti.

He Training-ah hian NLUP beneficiaries ten trade an lo thlan tawh tha tawk lo te pawh khawtinah training siama thlan thattir leh ni se. NLUP hlawhtlinna ngei tura hma la theuh turin Deputy Commissioner leh Line Department hotute an in kau reng a, beiseina pawh a sang hle a ni.