Vawiin chawhnu dar 2:00 khan State Sub-Committee for Fire Prevention meeting chu an Chairman leh Parliamentary Secretary to C.M. Pu Lal Thanzara hovin, Chief Minister Conference Hall-ah an thukhawm.
Pu Lal Thanzara chuan member kalkhawmte lawmna neiin, nikum lamah theihtawp chhuahin kangmei ven nan tan lak a ni chungin, khawro lutuk avangin kangmei a chhuak nasa hle a, kanghlumte hial kan nei chu pawi a tih thu sawiin, kumin chhung maiah pawh kangmei chhuak a awm leh nual a, kanghlum pakhat a awm tawh thu a sawi.
Fire Prevention Committee te chuan kangmei ven nan engtia hmalak tur nge ni ang? tih an ngaihtuah tlang a, school leh khawtlangah, YMA aurinna hmanga veng tinah, YMA chanchinbu ah te, District Level Fire Prevention te mawhphurhna tam zawk pek te, Police leh Forest Department ten kangmei tichhuaktu hremna na tak pek, lo hal hi February thla chhung ngeiin zawh fel nise, District hrang hrang ami te Aizawl-ah Fire Fighting chungchang training pek te leh media te kangmei laka fimkhur leh kangmei siamlo tura mipui zirtirna pe turin a tam zawk a thuziak tura ngen te an rawt a ni.
Khua leh District puma kangmei tichhuak tlem leh kangmei veng tha te lawmman siam sak leh nise tih leh chanchin thar lakhawmtute kangmei venna kawnga thuziak tam leh zirtirna tha pe tute lawmman siam sak te an rel a, Print Media te hemi chungchanga an thuziah lo endik turin an member, Pu David L.Thangliana, Dy.Director, I & PR chu Convener-ah an ruat a, amah pui tu tur chu aman a sawm turin an rel.
He committee in an rawtna hrang hrang hi State Level Committee ah thlen tura tih a ni.
Fire Prevention Committee te chuan kangmei ven nan engtia hmalak tur nge ni ang? tih an ngaihtuah tlang a, school leh khawtlangah, YMA aurinna hmanga veng tinah, YMA chanchinbu ah te, District Level Fire Prevention te mawhphurhna tam zawk pek te, Police leh Forest Department ten kangmei tichhuaktu hremna na tak pek, lo hal hi February thla chhung ngeiin zawh fel nise, District hrang hrang ami te Aizawl-ah Fire Fighting chungchang training pek te leh media te kangmei laka fimkhur leh kangmei siamlo tura mipui zirtirna pe turin a tam zawk a thuziak tura ngen te an rawt a ni.
Khua leh District puma kangmei tichhuak tlem leh kangmei veng tha te lawmman siam sak leh nise tih leh chanchin thar lakhawmtute kangmei venna kawnga thuziak tam leh zirtirna tha pe tute lawmman siam sak te an rel a, Print Media te hemi chungchanga an thuziah lo endik turin an member, Pu David L.Thangliana, Dy.Director, I & PR chu Convener-ah an ruat a, amah pui tu tur chu aman a sawm turin an rel.
He committee in an rawtna hrang hrang hi State Level Committee ah thlen tura tih a ni.
