United Nations hian December ni 9 khi hlemletna do ni ‘International Anti-Corruption Day’ ah a puang a. Hlemlet do hi Mizoram sawrkar pawhin a ngai pawimawh a, he ni hmanna hi Sawrkar-in December ni 10 khian Aizawl leh District khawpui zawng zawng ah te a buatsaih tur thu Vigilance Department chuan a tarlang.

 Zirlai leh media puala inelna hrang hrang- essay, debate, best article/editorial te chu District 8 ah te buatsaih a ni dawn a.  District tina High School leh Higher Secondary zirlaite tan ‘Corruption and its impact on the society’ tih thupui hmangin Mizo tawng leh Saptawng inEssay Competion buatsaih a ni ang a. College zirlaite tan ‘Strategy to eradicate Corruption’ tih thupui hmangin Debate Competition District tinah buatsaih a ni ang. Chanchinbu editor te tan December ni 3 - 8 inkarah Mizo leh Sap tawngin hlemletna dona chungchangah thuziah/Editorial inelna buatsaih a ni dawn bawk a ni.

 International Anti Corruption Day 2012 puala State Level Function hi December ni 10 khian Mizoram Legislative Conference Hall-ah buatsaih a ni dawn a, Mizoram Larsap chu khuallian leh Chief Minister chu khualzahawm ni tura beisei an ni.  Hemi ni vek hian District zawng zawng ah te pawh he ni hmanna hun leh inelna hrang hrang lawmman semna hun buatsaih a nih bawk ang.

 He ni hman dan tur hrechiang duh chuan Director ACB (Telephone No. 0389-2300356) emaw SP, ACB (Telephone No. 0389-2323377) emaw Addl. SP, ACB (Telephone No. 0389-2322677) ah te zawhfiah thei a ni e.