Vawiin khan I&PR Auditorium CHANEM Building chhawng chungnung berah Mizoram Social Defence & Rehabilitation Board kaltlangin Champhai-a Link Worker Scheme te buatsaih, International Day Against Drug Abuse and Illicit Trafficking chu Ministry of Social Justice & Empowerment sponsored a neih a ni.
He hun Link Worker Project District Resource Person Pu P.B. Liansangpuii kaihhruai-ah hian Champhai District Bawrhsap Pu Vijay Kumar Bidhuri chu khuallian niin he hun hi a hmanpui a ni. Thusawiin khuallian chuan June ni 26 hi UN General Assembly chuan kum 1987 atang khan Ruihhlo do leh mihringa sumdawnna beihletna Ni atan hman turin a lo duang chhuak a, UN chuan mimal, chhungkua leh khawtlang tumah hi ruihhlo lakah hian an him thei tawh lo a ni tih a hriatin mihring nun tichhe vek theitu leh ram leh hnam hmelma lakah hian theihtawp chhuah a, kan inven theihna tur leh a do let kawnga kan intuaitharna turin he ni hi khawvel pumah urhsun taka hman thin a ni a. Mizoram ah pawh he ni hi kum 2000 atang khan hman tan a ni, kumin hi vawi 11 kan hmanna a ni, a ti a. Ruihhlo in khawvel pum a tihbuai mek lai hian Mizoram pawh kan bang bik lova, theihtawp chhuahin sorkar, kohhran leh NGO te chuan hma an la mek a. Champhai district phei chu ramri a nih avangin ruihhlo tawlh leh a kawng ber pakhat a ni a, hemi avanga harsatna tawk pawh kan tam hle a, a dolet kawngah hian theihtawp kan chhuah tlan a tul a ni, a ti.
Ruihhlo dona kawnga tan kan lak lehzual theih nan leh thawhhona tha zawk a awm theih nan Champhai District Anti-Drugs Committee din niin tunah hian chak takin hma lak mek a ni tih Bawrhsap chuan a sawi a. District thuneitute chuan ruihhlo zuartute hi kan dim dawn lova, an chungah zahngaihna lantir kan tum lo. A mimal tak pawhin ruihhlo tawlhrutute hi ka hua a, anmahni do hi he district a kan rawn awm tirh atanga ka thil tum pakhat a ni, a ti a. Ruihhlo bakah mihring hmanga sumdawnna hi tunlai khawvelah chuan a langsar hle a. India ram kilkhawr Mizoram ah ngei pawh heng bumna tenawm lakah hian kan fihlim lo tih chu tunhnaia Mizo nula police ten Mumbai atanga an chhanchhuah atang khan a langchiang hle a. Hmasawn leh intodelh kan tumna kawngah hian fimkhur taka kan kal a tul a ni, a ti a. Ruihhlo leh mihring hmanga sumdawnna hian kalpui tha lo tak a nei a, chu chu HIV/AIDS hi a ni, a ti.
A sawi zelnaah Bawrhsap chuan heng ruihhlo leh mihring hmanga sumdawnna do kawngah hian YMA te chu a thawh hlawk berte niin an thawhrimna leh an inpeknate a fakawm em em a, district thuneitu lam pawhin kan theihna apiangah puih kan inhuam a ni, a ti bawk.
He hun a thusawitu dang Champhai SP Pu C. Lalthanmawia chuan ruihhlo chu theihtawp chhuaha tangruala do a tul tawh tih sawiin, Police leh Excise te kuta dah mai lova, mipui lam pawhin theihtawp chhuaha kan tanpui a tul a ni, a ti a. Ruihhlo hi rukruk tihluartu ber pakhat niin a tihrem chu theih chiah loh mahse tihtlem erawh a theih a, theihtawp chhuah tlan a tul a ni. Khua leh tui tha kan nih angin India Danpui in min phut angin thil tha lo leh khawtlang tana hnawksak do leh thuneitute tanpui kawngah hian nasa lehzuala kan thanharh a hun tawh takzet a ni, a ti,
He hunah hian Champhai Excise Superintendent Pu Lalhmingthanga ; Sub Hqrs. YMA Champhai Secretary Pu V.L. Chama Hnamte ; Recovering Addict Pu Hmingthansanga ten ruihhlo do kawnga thahnemngai lehzuala tanho a pawimawh thu a sawi bawk a. He huna kalkhawm NGO leh ruihhlo leh a kaihhnawih do leh hemi kawnga hmalatu hrang hrang kalkhawmte chuan he ni puala hun hman hi hlawkthlak an ti hle.
Ruihhlo dona kawnga tan kan lak lehzual theih nan leh thawhhona tha zawk a awm theih nan Champhai District Anti-Drugs Committee din niin tunah hian chak takin hma lak mek a ni tih Bawrhsap chuan a sawi a. District thuneitute chuan ruihhlo zuartute hi kan dim dawn lova, an chungah zahngaihna lantir kan tum lo. A mimal tak pawhin ruihhlo tawlhrutute hi ka hua a, anmahni do hi he district a kan rawn awm tirh atanga ka thil tum pakhat a ni, a ti a. Ruihhlo bakah mihring hmanga sumdawnna hi tunlai khawvelah chuan a langsar hle a. India ram kilkhawr Mizoram ah ngei pawh heng bumna tenawm lakah hian kan fihlim lo tih chu tunhnaia Mizo nula police ten Mumbai atanga an chhanchhuah atang khan a langchiang hle a. Hmasawn leh intodelh kan tumna kawngah hian fimkhur taka kan kal a tul a ni, a ti a. Ruihhlo leh mihring hmanga sumdawnna hian kalpui tha lo tak a nei a, chu chu HIV/AIDS hi a ni, a ti.
A sawi zelnaah Bawrhsap chuan heng ruihhlo leh mihring hmanga sumdawnna do kawngah hian YMA te chu a thawh hlawk berte niin an thawhrimna leh an inpeknate a fakawm em em a, district thuneitu lam pawhin kan theihna apiangah puih kan inhuam a ni, a ti bawk.
He hun a thusawitu dang Champhai SP Pu C. Lalthanmawia chuan ruihhlo chu theihtawp chhuaha tangruala do a tul tawh tih sawiin, Police leh Excise te kuta dah mai lova, mipui lam pawhin theihtawp chhuaha kan tanpui a tul a ni, a ti a. Ruihhlo hi rukruk tihluartu ber pakhat niin a tihrem chu theih chiah loh mahse tihtlem erawh a theih a, theihtawp chhuah tlan a tul a ni. Khua leh tui tha kan nih angin India Danpui in min phut angin thil tha lo leh khawtlang tana hnawksak do leh thuneitute tanpui kawngah hian nasa lehzuala kan thanharh a hun tawh takzet a ni, a ti,
He hunah hian Champhai Excise Superintendent Pu Lalhmingthanga ; Sub Hqrs. YMA Champhai Secretary Pu V.L. Chama Hnamte ; Recovering Addict Pu Hmingthansanga ten ruihhlo do kawnga thahnemngai lehzuala tanho a pawimawh thu a sawi bawk a. He huna kalkhawm NGO leh ruihhlo leh a kaihhnawih do leh hemi kawnga hmalatu hrang hrang kalkhawmte chuan he ni puala hun hman hi hlawkthlak an ti hle.
