DIRECTORATE OF INFORMATION & PUBLIC RELATIONS, Government of Mizoram, India

Ministry of External Affairs leh Ministry of Road Transport bultumin Mizoram PWD chuan Multi Modal Transport Project atan kawng a lai tan ta a, hei hi PWD leh Information & Public Relation Department hotute chuan MJA Gen. Hqrs. mi thenkhat hruaiin June 23 khan an va thlir a ni.

He kawng thar hi pakage 3 ah then a ni a, Km 99-830 a thui tura ruahman a ni a, package khat chu M/S Atlanta-ARSS Infrastruction Ltd. ten thawkin, pakage hnih chu RDS Project Ltd. ten an thawk mek bawk. Kawng hi Metre 12 a zau tur niin, metre 7 chu black top tura ruahman a ni.

PWD leh Contractor ten hna an thawh chak loh phah nachhan ber pakhat an sawi chu compensate ngai leh compensate na sum la tawh si, kiang duh si lo te vang niin, Lawngtlai atanga tan na tur thlanmual chungchang pawh YLA leh Chief Engineer, PWD (NH) Er. Lianchungnunga te chuan an sawi hova, tha taka inrem an beisei thu an sawi.

Multi Modal Transport Project kawng laih hi a lei a chhe hle a, laih zawh tawh hnu lamah a min leh thin tih hmuh a ni a, chuvangin an laih tum aia zau zawk tak laihna hmun a awm nual a ni. Kum 4 chhung a peih hman turin PWD hotute leh contractor ten nasa takin tan an la mek tih hmuh a ni.

Lawngtlai a cham chhungin Lawngtlai khawpui chhung chhe lai tam em em chungchang sawi a ni a, Er. Lianchungnunga, CE, PWD (NH) chuan Lunglei atanga Tuipang thleng kawng hi M/S Bengal Prakalpa Nirman Pvt. Ltd. ten an thawh thu sawiin, Contractor dang chhang tur an awm loh avangin a hna hi pek anih tak mai leh an thawh hunah furte a lo in tan leh tawh bawk nen an thawk chak lo hle tih a sawi a, contractor hi Lawngtlai cham lai hian koh nghal niin, khuar hnawhkhah hna tal chu a rang thei ang bera thawk nghal turin hriattir a ni bawk.

Ni 24.6.2011 ah Aizawl lam panin Hnahthial - Serchhip - Aizawl rawn en phei leh a ni a, kawng khuar lai tam tak chu PWD hotute hmalakna in contractor M/S Sunshine Overseas Pvt. Ltd. ten an hnawh khat mek. Thiltlang - Pangzawl, Keitum - Serchhip, Serchhip - New Serchhip, Chhiahtlang, Chhingchhip ah te khuar hnawhkhah hna hi thawh tan a ni a, PWD chuan SE (NH) leh EE (NH) te Serchhip-ah inkulh turin order an ti chhuak tih CE, PWD (NH) chuan a sawi.

Lawngtlai District MJA leh Hnahthial MJA ten kawng entura kalte hi an lo tawiawm tha hle a ni.

Attachment