Vawiin zing dar 11:00 khan Society for Community Care, Agape Home chuan International Day Against Drug Abuse and Illicit Trafficking, Bawngkawn YMA Zawlbuk ah an hmang. He hi hman naah hian Pu Eric Zomawia, Director, MSACS chu khuallian a ni.
Dr. Eric Zomawia chuan SCC Agape Home te hmalakna kawngah NGO te tawiawmna an lawmthu a sawi a. Dropping Centre hmun tlin taka lo dawngsawngtu Bawngkawn mipuite chungah lawmthu a sawi bawk. Ruihhlo ngai chhanchhuah hian mihring kan chhanchhuak satliah ngawt a ni lova, ram leh khawtlangin harsatna leh buaina a tawh thin kawng tam tak kan sukiang tel a ni tih hria ila, hnathawh harsa leh buaithlak tak nimahse beidawng lovin i thawk hram hram ang u tiin kalkhawmte chu a sawm a ni.
He inkhawm hi SCC Agape Home leh UNODC tangkawpin an buatsaih a ni a. Thupui neiin kumtin he ni hi an hmang thin a ni. Kumin thupuiah chuan 'Think Health not Drugs' tih an hmang a. Inkhawmah hian veng chhung tlawmngai pawk aiawhte leh enkawl mekte an kal tha hle a. Thawktute hmalakna report leh nun khawlohna lak atanga chhanchhuahten an lawmthu ngaihnawm takin an sawi a ni.
He inkhawm hi SCC Agape Home leh UNODC tangkawpin an buatsaih a ni a. Thupui neiin kumtin he ni hi an hmang thin a ni. Kumin thupuiah chuan 'Think Health not Drugs' tih an hmang a. Inkhawmah hian veng chhung tlawmngai pawk aiawhte leh enkawl mekte an kal tha hle a. Thawktute hmalakna report leh nun khawlohna lak atanga chhanchhuahten an lawmthu ngaihnawm takin an sawi a ni.
