Vawiin khan Cooperation Department changtu Minister Pu JH Rothuama chuan Mizoram Cooperative Apex Bank Ltd. Annual General Assembly vawi 18-na Vanapa Hall a neih chu a hmanpui.
Minister chuan Mizoramah mihring cheng an tlem avangin Bank dawrtu leh Shareholder pawh an tam tak tak thei lova, Apex Bank enkawltu Board of Directors leh thawktu bakah Cooperation Department te thahnemngaihna avanga tun dinhmun an thleng thei erawh fakawm a tih thu a sawi a. Kum engemawzah a hloh zawnga an kal ngar ngar hnuin kuminah chuan leiba nuai tam tak rul chung pawhin hlep nuai 52 bawr vel zet an thawk chhuak thei chu a lawmawm tak zet a ni, a ti. Revival of Short - Term Cooperative Credit Societies (STCCS) rawtna chungchang sawiin Apex Bank leh PACS (Society) te hmasawnna tur sum ruahmanna, Central sorkar in cheng vaibelchhe 22.44 zet Mizoram tana a dah chu hmu turin Mizoram sorkarin a do letna 10% a tum a ngai a. Tun Budget-ah hian a do letna tur sum Plan Fund a Mizoram sorkarin a telh tak thu tarlangin kumin chhung hian Central atanga sum lokal tur hi hmuh theih a beiseiawm thu Minister hian a puang a. Kum rei tak chhung thingtlang Cooperative Society sorkar atanga puihna hmu thei tawhlo te tan pawh in dinthar lehna tur hmanraw tangkai a nih tur thu a sawi. Assembly hmang tura kalkhawmte chu tluang taka inthlang tura duhsakna hlanin Bank khaidingtu tur, mi taima, thiam leh rinawm thlang ngei turin duhsakna a hlan a ni.
Mizoram Cooperative Apex Bank Ltd. hi kum 29 a upa ni tawhin District khawpui 7-ah Branch pakhat theuh, Aizawlah Branch panga leh Govt. Complex-ah Main Branch Extension Counter te a nei mek a, thawktu mi 141 an awm mek a ni. Mizoram Cooperative Society hrang hrang ten he Bank-ah hian Share cheng nuai 133.27 an thawh a, Mizoram sorkarin Share-Capital atan cheng nuai 469.55 a thawh bawk a. Share pum pui hi shareholder leh Mizoram sorkar tum a nih avangin Mizorama Bank hrang hrang te zingah Mizo mipuite Bank awm chhun tia chhal theih awmchhun a ni.
Vawiin inkhawm hi Mizoram Cooperative Apex Bank Ltd. Chairman Pu J.C. Chawngvawra'n a kaihruai a, Managing Director Pu James Hruailiana'n April 1, 2010 leh March 31, 2011 inkar a an Bank dinhmun tlangpui a tarlang a, Registrar Cooperative Society Pu Lalpekliana'n thusawina hun a hmang bawk. Chawhnu lamah Annual Report 2010-2011 chu sawiho a pawm a ni a, Annual Statements of Accounts 2009-2010 leh Budget & Credit Plan for 2011-2012 pawh sawi hova pawm a ni. Board of Directors thar thlanna hun tlai lamah an hmang nghal bawk.
Mizoram Cooperative Apex Bank Ltd. hi kum 29 a upa ni tawhin District khawpui 7-ah Branch pakhat theuh, Aizawlah Branch panga leh Govt. Complex-ah Main Branch Extension Counter te a nei mek a, thawktu mi 141 an awm mek a ni. Mizoram Cooperative Society hrang hrang ten he Bank-ah hian Share cheng nuai 133.27 an thawh a, Mizoram sorkarin Share-Capital atan cheng nuai 469.55 a thawh bawk a. Share pum pui hi shareholder leh Mizoram sorkar tum a nih avangin Mizorama Bank hrang hrang te zingah Mizo mipuite Bank awm chhun tia chhal theih awmchhun a ni.
Vawiin inkhawm hi Mizoram Cooperative Apex Bank Ltd. Chairman Pu J.C. Chawngvawra'n a kaihruai a, Managing Director Pu James Hruailiana'n April 1, 2010 leh March 31, 2011 inkar a an Bank dinhmun tlangpui a tarlang a, Registrar Cooperative Society Pu Lalpekliana'n thusawina hun a hmang bawk. Chawhnu lamah Annual Report 2010-2011 chu sawiho a pawm a ni a, Annual Statements of Accounts 2009-2010 leh Budget & Credit Plan for 2011-2012 pawh sawi hova pawm a ni. Board of Directors thar thlanna hun tlai lamah an hmang nghal bawk.
