Kar leh 26th June (Nilaini)-a International Day against Drug Abuse and Illicit Trafficking hman dan tur ngaihtuahin vawiin khan Kolasib DC Pu Lalfela Sailo, DC hovin Kolasib DC Conference Hall-ah meeting neih a ni.

Pu Lalfela Sailo chuan Day hman dan tur chungchanga thu pawimawhte sawifiahin engtianga hman nge tha ang tih chik taka ngaihtuah turin member kalkhawm te a sawm a. Tunlai boruak, Drugs hmansualna leh tawlhrukna hluar tak tawh si-ah hian engtinnge mipui a zau thei anga zirtirna kan pek ang tiin sawihona tha tak neih a ni.

Zirna In zawng zawng, Primary atanga College thlengin hemi Ni denchhen hian Drugs hmansual pawizia leh inthiar fihlim a tulzia zirtirna pek nise tiin Committee chuan a rel a. Hei bakah hian CZS Cable Network chu Drugs hmansual leh tawlhruk chungchangah Talk Show buatsaih tura ngen nise tiin an rel bawk a ni.