Vawiin 20.6.2012 khan June ni 26, 2012 a lo thleng tur International Day Against Drug Abuse & Illicit Trafficking lawm leh hman dan tur ngaihtuahin organising Chairman Pi B. Sairengpuii, Secretary, Social Welfare Department Office-ah an thu khawm.

Kumin ah chuan United Nations atanga thupui duan sa “Think Health- Not Drugs” tih chu he Ni Thupui a ni dawn a. Hemi behchhan hian sawrkar Department leh MSACS-ten Aizawl-a hmun 12 (sawmpahnih)-ah Banners an tar anga. 25.6.2012 zing kar ah YMA Branch hrang hrang atanga thlan chhuah ten Rally an nei ang. 26.6.2012 zing dar 9:30 atangin Aizawl-a HSS naupang 600 rualin Millenium Centre leh Sikulpuikawn atangin Vanapa Hall panin Rally an nei anga, Slogan Competition an nei nghal bawk ang. Aizawl High School zawng zawngah he Ni Thupui hmang hian Essay Competition an mahni School theuhvah an nei ang. Aizawl-a HSS zawng zawngin anmahni School theuhah Debate Competition an nei ang. He Ni lawmna pui ber chu 26.6.2012 dar 11:00AM atangin Vanapa Hall-ah hman a ni dawn a. Pu R. Lalzirliana, Home Minister chu khuallian a ni anga, Pu P.C. Lalthanliana, Social Welfare Minister chu khualzahawm a ni ang.

Zaithiam hrang hrang an zai ang a, thusawi pawimawh leh ngaihnawm tak tak ngaihthlak a ni bawk ang, hunserh hmang turin Col. Lalngaihawmi an ruat bawk a ni.