Tukin zing dar 7 khan Excise & Narcotic Department chuan ‘International Day Against Drugs Abuse and Illicit Trafficking’ New Capital Complex-ah an hmanga, Pu Lal Thanzara, an department enkawltu Parliamentary Secretary chu khuallian a ni.
 
 
Pu Lal Thanzara chuan kalkhawmte hmaah thu sawina neiin, ram hmelma ber damdawi leh a kaihhnawih dona sorkar, kohhran leh tlawmngai pawlten nasa taka an neih chung pawha a rem thei lo chu pawi a tih thu sawiin nasa lehzuala tangrual turin ngenna a siam bawk.

Pu Lalbiakmawia Khiangte, Excise & Narcotics Department Commissioner leh he inkhawm kaihruaitu chuan an department in an hnathawh leh drugs an man dan report a pe bawk.

Excise & Narcotics leh Drugs Control Administration ten dan lo anga damdawi hmansual theih chi, chi hrang hrang an chhunkhawm chu Pu Lal Thanzara hian a hal a ni.

Damdawi halralna hun hman zawh hian Aizawl Thunder ruihhlo dona bike rally chu Pu Lal Thanzara hian a vailiam a, bike tam tham tak ruihhlo do nan a tlan te chu, “Damdawi hmansual pawizia mitinin kan hriat nan kan vai liam e” tiin a thlah a ni.

Vawiina damdawi halralte hi Rs. 62,56,772/- man Excise & Narcotics Department men leh Drugs Control Administration te man Rs. 16,31,898/- man a ni a, a vaiin Rs. 78,88,620/- man a ni.

Drugs chi hrang hrang halral takte hi a hnuai ami ang hi a ni :

Sl.    Particulars        Excise & Narcotics    Drugs Control    Total
No.    of Drugs        Department        Administration

1.    Heroin        848.990 gms    -             848.990 gms
2.    Ganja            100.928.755kgs    -            100.928.755kgs
3.    Nitrazepam        3030 tablets        -            3030 tablets
4.    Diazepam        40 tablets        800 tablets        840 tablets
5.    Alprazolam        64 tablets        500 tablets        564 tablets
6.    Cyclopam        1 tablet        -            1 tablets
7.    Clonazepam        9 tablets        -            9 tablets
8.    S/Proxyvon        112532capsules    4100 capsules    116632 capsules
9.    Parvon Spsa        383 capsules    -            383 capsules
10.    Cough Syrup        43 phials        506 phials        549 phials
11.    Codylex            -        650 phials        650 tablets
12.    Oncelam            -        500 phials        500 tablets
13.    Ocidol                -        24100 tablets    24100 tablets
14.    Artemethy Inj.        -        7 ampoules        7 ampoules
15.    Artesunate            -        72 tablets        72 tablets
16.    Oral Contraceptives    -        982 tabslets        982 tablets

Ruihhlo Dona avanga kal khawmah hian Excise & Narcotics Deptt. enkawltu Secretary Pu Lalthansanga leh Pi B. Sairengpuii, Secretary, Social Welfare Deptt. te bakah Police, Social Welfare, Information & Public Relations, PIB, DDK leh College zirtirtute bakah MHIP, CYMA leh MUP hotute an tel bawk a ni.
 
 

Attachment

  • Loading attachment...