Singapore Mizo te chuan nimin 25 June 2009 khan The Ledends, Forth Canning Park, Singapore-ah Mizoram Chief Minister Pu Lal Thanhawla te nupa leh PHE Minister Pu S. Hiato te pualin chawhlui an buatsaih sak.
He hunah hian Pu Lal Thanhawla, Chief Minister chuan thu sawiin, Mizoram sawrkar tharin ram hmasawnna kawngah chak taka hmala tur leh ram rorelna tha din tura theihtawp chhuah anih tur thu sawiin, ram hmasawnna ruhrel ‘infrastructure’ tha neih anih theih nana hmalakna kawng hrang hrang tarlangin, ‘power and energy’ tha leh rintlak neih chu sawrkar-in a ngaihpawimawh hmasak tur thu a tarlang a. Mizoram-ah sports facilities leh infrastructure tha kan neih loh avanga Mizo thalaiten an nih tur ang an ni thei loh thin chu sawrkar-in a ngaihpawimawh thu sawiin, District tinah sport facilities and infrastructure tha din anih theih nan chak zawka hmalak anih tur thu a sawi bawk. Chief Minister chuan Mizo te khawvel ram hrang hrang a zirna sang zawk zira chhuak leh hnathawk a chhuak an tam chho zel chu lawmawm a tih thu a sawi a. Ram hrang hranga Mizo awm ten kan awmna hmun leh ram theuhah MIzo hmel zahawm taka lantir a pawimawh a tih thu leh community anga kan awm thinna kawngah zirna leh khawtlangnun chawikang zawnga kan in siamrem thiam a pawimawh thu a sawi bawk a ni.
Pu S. Hiato, PHE Minister pawhin thu sawiin, Singapore chu ram nuam leh fai, chenna atana nuam tak ni a a hriat thu sawiin Mizo thahnem tak cheng thei an awm chu chuanawm a tih thu leh vannei atih thu a sawi a. Singapore ram atanga entawn tur leh tihve theih rawn zirchhuak tur leh chutiang kawnga Mizoram sawrkar finchhuah zel turin kalkhawm te a sawm bawk a ni.
Chief Minister nupui Pi Lal Riliani pawhin thu sawiin, hriselna leh faina lama Mizoram leh zofaten tan kan lak lehzual a pawimawh thu a sawi a. Kan awmna hmun apiangah nun uluk tak, zei tak leh mawihnai taka awmdan thiam a pawimawh thu uar takin a sawi a. Zuk leh hmuam leh ruihtheih thil lama inthiarfihlim thiam tur leh hetiang kawnga midang zirtirtu ni theuh turin kalkhawm te a sawm bawk a ni.
He hun hi Pu C. Vanlalramsanga IES, Lee Kuan Yew School of Public Policy a awm mek chuan kaihruaiin Singapore sawrkarin ‘Singapore International Water Week’ hmang tura khawvel ram hrang hrang hruaitu sawm bik zingah Mizoram sawrkar hruaitute an tel avanga chhuanawm an tih thu sawiin, Singapore nena ram hmasawnna kawnga thawhhona tha tak neih zui anih theihnana hmahruaitu anih a beisei thu a sawi a ni.
Pu S. Hiato, PHE Minister pawhin thu sawiin, Singapore chu ram nuam leh fai, chenna atana nuam tak ni a a hriat thu sawiin Mizo thahnem tak cheng thei an awm chu chuanawm a tih thu leh vannei atih thu a sawi a. Singapore ram atanga entawn tur leh tihve theih rawn zirchhuak tur leh chutiang kawnga Mizoram sawrkar finchhuah zel turin kalkhawm te a sawm bawk a ni.
Chief Minister nupui Pi Lal Riliani pawhin thu sawiin, hriselna leh faina lama Mizoram leh zofaten tan kan lak lehzual a pawimawh thu a sawi a. Kan awmna hmun apiangah nun uluk tak, zei tak leh mawihnai taka awmdan thiam a pawimawh thu uar takin a sawi a. Zuk leh hmuam leh ruihtheih thil lama inthiarfihlim thiam tur leh hetiang kawnga midang zirtirtu ni theuh turin kalkhawm te a sawm bawk a ni.
He hun hi Pu C. Vanlalramsanga IES, Lee Kuan Yew School of Public Policy a awm mek chuan kaihruaiin Singapore sawrkarin ‘Singapore International Water Week’ hmang tura khawvel ram hrang hrang hruaitu sawm bik zingah Mizoram sawrkar hruaitute an tel avanga chhuanawm an tih thu sawiin, Singapore nena ram hmasawnna kawnga thawhhona tha tak neih zui anih theihnana hmahruaitu anih a beisei thu a sawi a ni.
Attachment
- Loading attachment...
