Khawvel a ram hausa leh ram rethei pawhin a buaipui em em chu ruihhlo hmansualna hi a ni a. Chuvang chuan kum 1987 December a UN General Assembly chuan Ruihhlo Do Ni “International Day Against Drugs Abuse and Illicit Trafficking” atan June 26 hi a lo ruat a. He ni hi Mizoram ah pawh sorkar huaihawtin kum 2002 atang khan kumtin hman a lo ni ve ta a ni.

Tukin zing dar 9:00 khan he Ni hmanna chikhat ‘Aizawl Thunder Bike Rally” chu Kulikawn ah Pu Lalbiakmawia Khiangte, Commissioner, Excise & Narcotics Department chuan a vai liam a. Thu tawite sawiin he rally hi Dan bawhchhia te kan warning na a ni a. Drugs do turin mi zawng zawng kan sawmna a ni bawk a ni a ti.