532/2025-2026

Dated Aizawl, the 22^nd May, 2025: Vawiin khan ‘Harmony with Nature and Sustainable Development’ tih thupui hmangin khawvel pumpuiah International Day for Biological Diversity lawmna hun hman a ni a. Mizoram-ah pawh IDB 2025 pualin hmun hrang hrangah hun hman a ni a, a pui ber chu ATI Auditorium, MINECO, Aizawl-ah Mizoram State Biodiversity Board leh National Biodiversity Authority (NBA)-ten an buatsaih a. Pu Lalthansanga, Environment, Forests & Climate Change (EF&CC) Minister chu Khuallian niin, he hun hi a hmanpui a ni.

Minister Pu Lalthansanga chuan thu sawiin, ram hmasawnna leh thilnung chi tinrengte humhalhna chu a kal kawp tlat tur a ni, a ti a. Nungcha venhim hna chu kan tih makmawh a nih avanga thawk tur kan ni lova, kan hmalam hun innghahna pawimawh a nih avanga thawk tur kan ni zawk, a ti bawk. Tunlai khawvel inher zelah harsatna thar a lo chhuak zel a, heti ang hre reng chungin humhalhna kan ngai pawimawh tur a ni, tiin kalkhawmte a chah a ni.

He hunah hian Pu R.K. Tiwari, PCCF Mizoram chu Chairman niin kalkhawmte lawmna thu a sawi a, Pu H. Lalengmawia, Commissioner & Secretary i/e EF&CC Department leh Chairman, Mizoram State Biodiversity Board ni bawk chuan Keynote Address pein, Pu M.Z. Singson, Member Secretary, MSBB chuan Technical Report a pe a. Pi Shikha Sinha, NBA Intern leh Pu Vanlalhrima, BIOCONE-ten presentation an pe bawk. He hunah hian BMC Member-te, zirlai naupangte leh Environmental NGO- te leh Department hrang hrang atanga sawm bikte an tel bawk a ni.

International Day for Biological Diversity 2025 lawmna pual hian Mizoram State Biodiversity Board chuan High School Level Painting Competition, Open Photography Competition leh Biodiversity Management Committee (BMC)-te tan Signboard siam intihsiakna a buatsaih a. Minister Pu Lalthansanga chuan a hnuai mite hnenah hian lawmman a sem.

High School Level Painting Competition 

1-na Layla Zothanpari, St. Paul’s Higher St. Pauls Higher Secondary School 

2-na Jayaditya Chowdhury, St. Paul’s Higher St. Pauls Higher Secondary School 

3-na R.Lalpekhlui, Living Water School 

Consolation prize mi 5 hnenah Citation nen pek a ni.

Open Photography Competition 

1-na Paul Lalrambeiseia, Zonuam, Aizawl 

2-na Tlauliana, Kulikawn, Aizawl 

3-na Lalrinnungi, Bethlehem Vengthlang

Consolation prize mi 3 hnenah Citation nen pek a ni.

BMC Signboard Competition

1-na Thanglailung BMC 

2-na N. Lungleng BMC 

3-na Sialsir BMC

Nungcha chi tinrengte humhalha venhim an nih theihna turin United Nations Convention on Biological Diversity (CBD) chu kum 1992 khan Brazil khawpui Rio de Janeiro a Earth Summit ah khan din a lo ni tawha. He Convention pawimawh taka telho zingah hian India ram pawh hi party pakhat zingah telin Agreement ziaktu ram 196 zingah a tel ve bawk a ni. Hemi denchhen hian 22 May hi 'International Day for Biological Diversity atan United Nations chuan alo puang a, kum 2000 atang khan kumtin thupui thlan bik neiin hman tan a lo ni tawh a ni.