Vawiin nileng khan BNRGSK Hall Serchhipah Zoram Entu Pawl Serchhip leh RMSA Serchhip tangkawp buatsaih “ International Day of Persons with Disabilities” chu hman ani a, He Vohbik te Ni hi hun hnihah then niin hunkhatnaah Pu Lawmawma ,DEO,DPC RMSA Serchhip chu khual zahawm niin a hmanpui a,Govt H/S Serchhip Tualah Rualbanlote pual a infiamna chi hrang hrang hmangin hun hlimawm tak hman ho a ni.
Hun hnihna hi chhun dar 1:00pm a a hmun ngai a neih leh niin Serchhip District Bawrhsap Pi Sangchhin Chinzah chuan khuallian niin a hmanpui.““ International Day of Persons with Disabilities,BNRGSK Hall Serchhipa hman hi Pu PC Vanlalluna,Deputy DPC,RMSA chuan kaihhruaiin he huna khuallian Serchhip District Bawrhsap Pi Sangchhin Chinzah chuan, Taksa /pianphunga lama rualbanlo nih aiin rilru lama rualbanlo nih a hlauhawm zawk a ti a. Heng rualbanlohna hrang hrang neite chu sawrkar mitah Vohbik an nih thu leh an tana hmasawnna ruahmanna pawh kawng hrang hranga siam ani, a ti. An dehchhuah hrang hrang an pho chhuah te chu mi pangngai ten kan tih theih aiin a nasa in ropui zawk fo nia a hriat thu a tarlang bawk. He huna kalkhawm Serchhp District chhung a Vohbik te leh an chhungte/enkawltute hnenah kan theih tawka kan fanaute enkawl hian Pathianin mal min sawm thin a ni tih hre reng turin a ngen bawk.
International Day of Persons with Disabilities Serchhip a hmannaah hian Khuallian District bawrhsap leh Khual zahawm District Education Officer te hnenah Rualbanlo/Vohbik ten amahni kutkawih ngei a an siam thilpek hlu tak tak an hlan a, he ni pual a Vohbik te kutthemthiam thil phochhuahna/lanna(EXHIBITON) Govt High School Class Room a neih chu khuallian hian tlawh nghalin kutthemthiam thil chi hrang hrang Vohbik te siam chu mipuiten an hlut hle a, a hmunah hian leisakin, hralh zawh fel nghal ani bawk.
Vawiina International Day of Persons with Disabilities hmanna ah hian Pu Vanlalchhana DPC,SSA Serchhip pawhin thusawina neiin, Shalom Special School naupangte atangin Items hmuhnawm tak tak ngaihthlak leh thlirho ani a, khual zahawm Pu Lawmawma DEO in hun hmasa lama infiamna chi hrang hrang a titha te hnenah lawmman hlanna a nei nghal bawk a ni.
Vawiin hian Serchhip District chhunga Rualbanlo/Vohbik te leh an chhungte an kal tha hle a ni.
