Vawiin khan Kolasib Bawrhsap Pisa Pindan ah Rual banlo/vohbik te ni December ni 3, ‘International Day of Persons with Disabilities’ hman dan tur rel in thutkhawmna neih a ni.

Thutkhawm ah hian Bawrhsap chuan Mizorama a hmasa ber turin mitdel (Visually Challenged) te tana zirlai bu Braille Texbook buatsaih fel chu mitdel te tana sem chhuah a nih tur thu a tarlang a, hei hian khawhmuh lama harsatna nei te tan chona leh phurna nasa lehzual a pek a beisei thu sawiin heng mibik te tana zirlai bu buatsaih theih ani chu hmasawnna chhinchhiah tlak tak a nih rualin Right To Education Act 2009 ina heng zirlai ngaihsak bik ngaite pawh a huam vek a ni tiin heng mibik te hi kan ngaihsak a ngai takzet a ni a ti.

Thutkhawm chuan International Day of Disabled Persons chu Kolasib Bawrhsap Dr.Arun T,IAS hoin Kolasib St.Joseph’s Parish Hall (a hmun tur hi remchan zawk na avang pawhin thlak danglam theih a ni) ah thawhtanni chawhma Dar 11:00 a hman tur in a rel a, Report leh thusawi tawi ngaihthlak bakah Vohbik te tana intihhlimna na tur thil chi hrang hrang buatsaih tura rel bawk a ni. Hemi ni hian vohbik sikul hrang hranga zirlai bakah hostel a awm te leh Kolasib District a Social Welfare Department, School Education Department a thawkte leh Department hrang hranga Head of Offices te leh Salvation Army Home for the Blind bakah Mizoram Peoples’ Forum aiawh te tel tura beisei an ni.