458/2024-2025

Aizawl the 10th May, 2024 : May Ni 12-ah khian Thing leh mau/thlai hrisel chuan leilung hriselna a thlen tih entirna atan Save Plants-Save Planet' tih thupuia hmangin 'International Day of Plant Health' hman a ni dawn.

Hemi Ni pual hian Central Integrated Pest Management Centre (CIPMC) chuan 'Conservation of Natural bio-control agents' leh 'Safe and Judicious Use of Pesticides' tih thupuia hmangin mipuite hnenah thing leh mau/thlai hriselna a pawimawh zia inzirtirna atan thil hrang hrang a buatsaih a. Heng Kisan Gosthi, IPM exhibition, Awareness Campaign on Safe and Judicious Use of Pesticide, Tree Plantation drive leh Zirlai naupangte tan intihsiaknate an buatsaih tel bawk a ni.

May Ni 9 (Ningani) khan Ministry of Agriculture & Farmers Welfare hnuaia Central IPM Centre, Govt. Of India Aizawl, Mizoram, chuan 'Save Plants, Save Planet' tih thupuia hmangin Little Kingdom School, Chhinga Veng ah lemziak intihsiakna an buatsaih a, Kendriya Vidyalaya, Aizawl-ah Essay inziahsiakna an buatsaih tel bawk.