Tukin zing dar 7:00 khan CMO Conference Hall Serchhipah International Day of Yoga hman a ni.

Pu VL Remliana, MCS, Addl. DC Serchhip chuan he hun hi hmanpuiin Hindu sakhaw rin dan la chhawnga, an tih thin dante ti ve turin kan inti a ni lova, an tih thin dan tha laite hi midang tan pawha tha anih avangin a tha lai chu lain kan kalpui ve chauh a ni, a ti.

He hunah hian Dr. Lalkhawngaihi Renthlei, Medical Officer, AYUSH chuan Yoga chungchang sawiin, Yoga hi Hindu Sakhua a awm hma atang tawhin a awm tawh a, tuna Hindu sakhaw vuantu ten an hman thin avang hian Hindu sakhaw biakna a ni bik lo a ni, a ti a. Khawvel hmun hrang hrangah mi chi hrang hrangin Yoga hi an practice thin a, taksaa thisen insem kualna puitu tha tak anih avangin a hmang thin ten an fak hle a ni a ti bawk.

He hunah hian Serchhipa Sawrkar Department hrang hranga hotute an tel a, Yoga hmanga taksa insawizawina chi hrang hrangte an tichhin a ni.