Khawvela Film Festival ropui leh ngaihhlut hlawh berte zinga mi International Film Festival of India (IFFI) 2018 leh NFDC Film Bazaar, Goa –a Nov 20 atanga 28 a neih turah State Nodal Deptt, Information  & Public Relations Deptt. chuan mizo film siamtu mi 5 (panga) a tir dawn a, vawiin khan heng mite hian Lengpui airport atangin Goa an pan.               

IFFI , Goa a kal tehi Pu Napoleon RZ. Thanga, Treasurer, Mizoram Film Forum, Pu TC. Vanlalzauva, Pu Malsawmkima, Tv.H. Lalsangzela leh Nl. Lalkrospari ( Nunui Pachuau ) te an ni a. IFFI ah hian ram hrang hrang atanga film siamtute intawhkhawmna leh Film siam dan zirna session hrang hrangah an tel ang a, Napoleon RZ. Thanga hi NFDC buatsaih Knowledge Series Session – North-east Cinemas & opportunities Unexplored –ah panel ah a thu dawn bawk a ni.               

IFFI Goa ah hian Mizo film tihchhuah alo ni tawh a, Sawrkar tirh erawh chuan tun hi film siamtute kal hmasak berna tur a ni a, Planning Deptt. hnuaia MEDMOC atangin an kalna tur sum hi ruahman sak a ni.