Kolasib district chhunga Agriculture leh a kaihnawih kuthnathawh in hma a sawn dan leh hmalak tulna lai enin International Fund for Agriculture Development (IFAD) team chuan vawiin khan Kolasib an tlawh.
Kolasib tlawhtu IFAD team hi member pathum: 1)Dr.Virendra Pal Singh, Agronomist & Agro Forestry 2) Ms. Barbara Jordan Vincente, Economist FAO, 3) Mr.Pratul Dube, Financial Management Specialist; an ni a. Vawiin chawhma lam khan Zanlawn khua tlawhin, Village Council member te, khawtlang hruaitute bakah kuthnathawktute kawmna an nei a. Chawhnu lamah DC Conference Hall, Kolasib-ah District Bawrhsap Dr.Arun T hovin Kolasib District a kuthnathawh tihhmasawnna atana NLUP line department te hmalakna thlirhona hun neih a ni a. He hunah hian NLUP line department te bakah tlawmngai pawl hrang hrang te, Village Council member te leh kuthnathawktu pawl hrang hrang te an tel a. Kolasib district a kuthnathawhin hma a sawn nana hmalak ngaihna lai te tarlan a sawiho a ni.
IFAD team hian naktuk hian Bukvannei a Oil Palm Mill, Godrej Agrovet tlawhin Bairabi a kuthnathawktute leh khawtlang hruaitute kawmna hun an hmang bawk ang.
IFAD team hian Mizoram a district pali: Kolasib, Mamit, Champhai leh Serchhip; tlawhin heng districtah hian kuthnathawktute harsatna tawh leh hmasawnna turte zirchiangin, an hmuhdan azirin Detail Project Report an siam dawn a ni.
