Vawiin chawhnu khan Labour Employment & Industrial Training Department buatsaihin a vawikhatna atan I&PRO Conference Hall, Lungleiah International Labour Day and Registration Mela Cum Awareness Campaign neih a ni.

Pu T. Thangropianga, District Labour & Employment Officer, Lunglei chuan he inkhawm hi a kaihruai a. Pu Petera, President, National Trade Union of Mizoram, Sub-Headquarters Lunglei chuan Labour Day hman a nih hmaa khawvel hmun hrang hranga hnathawktute dinhmun te, an harastna te leh hemi Ni tobul te a tarlang a. Mizoramah pawh May Ni 1, 1990 atanga hman tan a nih thu a sawi a ni.

Pu Stephen Lalremruata, President, Labour Union of Mizoram pawhin thu sawi in Labour Day tia kan hriat tak May ni 1 hi Khawvel ram hrang hrang ah chuan pawl hrang hrang te leh Trade Union te chuan (Child Labour) naupang chhawr luih awmna thin chu ti bo turin hma lak thin a ni, a ti a. Mizoramah chuan naupang chhawr luih kan neih ve loh avangin hnathawktute hamthatna hrang hrang an neih te in hrilh hriatna ni atan kan hmang ta a ni, a ti. Labour Welfare Board hnuaia Scheme hrang hrang hrilhhriatna neih nghal a ni.

Inkhawm zawh ah hian hnathawktu la in register lo te tan in register na hun siam a ni bawk.