Mizoram sorkarin Accredited journalist boral te ralna a pek thin Rs.1,50,000/- chu nikum October a boral ta Pu K.Lalthlamuana, Editor Ramnuam, Kolasib nupui Pi Rengthangpuii hnenah Mizoram sorkar aiawhin Pi JH Lalparmawii, DIPRO, Kolasib in vawiin khan a hlan.

Ralna hun hi Pu K.Lalthlamuana(L) te chenna New diakkawn, Kolasib-ah hman a ni a. Pu H.Vanlalnghaka, President MJA Kolasib in hun hi kaihruaiin, District Information & Public Relations Office a thawkte leh MJA member te an tel a ni. MJA General headquarter ten ui na thuziak an siam chu ralna hun hmanah hian Pi Rengthangpuii hnenah hlan a ni bawk.